ഇരിങ്ങാലക്കുട : കേരള സർക്കാരിൻ്റെ ‘ഓപ്പറേഷൻ തൂഫാൻ’ പദ്ധതിയുടെ ഭാഗമായി സ്കൂൾ പ്രൊട്ടക്ഷൻ ഗ്രൂപ്പുമായി ചേർന്ന് ഇരിങ്ങാലക്കുട ഭാരതീയ വിദ്യാഭവനിൽ ലഹരിവിരുദ്ധ ബോധവത്കരണ ക്ലാസ്സ് സംഘടിപ്പിച്ചു.
ഇരിങ്ങാലക്കുട ഡിസ്ട്രിക്റ്റ് പൊലീസ് ഹെഡ് ക്വാർട്ടേഴ്സിലെ ഡിസ്ട്രിക്റ്റ് ലീഗൽ സെൽ സിവിൽ പൊലീസ് ഓഫീസറും ട്രെയിനറുമായ ഇ.എസ്. മണി ക്ലാസ്സ് നയിച്ചു.
സമകാലിക സമൂഹത്തിൽ ലഹരി വിരുദ്ധ ബോധവത്കരണത്തിന്റെ വ്യാപ്തിയും പ്രസക്തിയും, ലഹരിവസ്തുക്കളുടെ മാരകമായ ദോഷഫലങ്ങൾ, ലഹരി പദാർത്ഥങ്ങളുടെ ഉപയോഗം തടയുന്നതിനുള്ള വഴികൾ എന്നീ വിഷയങ്ങളിൽ അദ്ദേഹം വിദ്യാർഥികൾക്ക് അറിവു പകർന്നു.
ലഹരിവിമുക്ത സമൂഹത്തിന്റെ അംബാസഡർമാരാകാൻ വിദ്യാർഥികളെ അദ്ദേഹം പ്രചോദിപ്പിച്ചു.
പ്രിൻസിപ്പൽ ബിജു ഗീവർഗ്ഗീസ്, വൈസ് പ്രിൻസിപ്പൽമാരായ സുജാത രാമനാഥൻ, ഗിരിജ മേനോൻ എന്നിവർ സന്നിഹിതരായിരുന്നു.
9, 11 ക്ലാസ്സുകളിലെ മുഴുവൻ കുട്ടികളും ബോധവൽക്കരണ ക്ലാസ്സിൽ പങ്കെടുത്തു.
അധ്യാപകരായ നിഷ നായർ, ഫ്ലോറി ഫ്രാൻസിസ് എന്നിവർ പരിപാടി ഏകോപിപ്പിച്ചു.
Leave a Reply