IRINJALAKUDA TIMES
ഇരിങ്ങാലക്കുട : അവിട്ടത്തൂർ എൽ.ബി.എസ്.എം. ഹയർ സെക്കണ്ടറി സ്കൂളിലെ കായിക മേള പി.ടി.എ. പ്രസിഡൻ്റ് ജോസഫ് അക്കരക്കാരൻ ഉദ്ഘാടനം ചെയ്തു.
സ്കൂൾ മാനേജർ എ.സി. സുരേഷ് അധ്യക്ഷത വഹിച്ചു.
പ്രിൻസിപ്പൽ ഡോ. എ.വി. രാജേഷ്, പ്രധാനാധ്യാപിക എൻ.എസ്. രജനിശ്രീ, മാനേജ്മെൻ്റ് കമ്മറ്റി അംഗം കെ.കെ. കൃഷ്ണൻ നമ്പൂതിരി, കായികാധ്യാപകൻ ആൾഡ്രിൻ ജെയ്സ്, ടി.എൻ. പ്രസീദ, വി.വി. ശ്രീല എന്നിവർ പ്രസംഗിച്ചു.
ഇരിങ്ങാലക്കുട : സംസ്ഥാന അധ്യാപക അവാര്ഡ് കരസ്ഥമാക്കിയ ജെനില് ജോണിന് മാതൃവിദ്യാലയമായ സെന്റ് മേരീസ് ഹൈസ്കൂളില് സ്വീകരണം നല്കി.
സ്കൂള് മാനേജര് റവ. ഡോ. ലാസര് കുറ്റിക്കാടന് സ്വീകരണ സമ്മേളനം ഉദ്ഘാടനം ചെയ്തു.
പിടിഎ പ്രസിഡന്റ് ബൈജു കൂവപ്പറമ്പില് അധ്യക്ഷത വഹിച്ചു.
റവ. ഡോ. ലാസര് കുറ്റിക്കാടന് ജെനില് ജോണിന് ഉപഹാരം സമ്മാനിച്ചു.
കത്തീഡ്രല് ട്രസ്റ്റി ഷോബി പോള് പൊന്നാട അണിയിച്ച് ആദരിച്ചു.
മുന് കായിക അധ്യാപിക കെ.വി. ഇന്ദിരാമണി, ഫസ്റ്റ് അസിസ്റ്റന്റ് കെ.പി. ലിറ്റി എന്നിവര് ആശംസകള് നേര്ന്നു.
പ്രധാനാധ്യാപിക റീജ ജോസ് സ്വാഗതവും അധ്യാപക പ്രതിനിധി സി.എസ്. നാന്സി നന്ദിയും പറഞ്ഞു.
ഇരിങ്ങാലക്കുട : ഗവ. ഗേൾസ് ഹയർ സെക്കൻഡറി & വെക്കേഷണൽ ഹയർ സെക്കൻഡറി സ്കൂളിന്റെ കായികമേള “വേഗ” ഗവ. ബോയ്സ് സ്കൂൾ ഗ്രൗണ്ടിൽ സംഘടിപ്പിച്ചു.
നഗരസഭ വൈസ് ചെയർപേഴ്സൺ ചിന്ത ധർമ്മരാജൻ ഉദ്ഘാടനം ചെയ്തു.
വിദ്യാഭ്യാസ സ്റ്റാൻഡിങ് കമ്മിറ്റി ചെയർമാൻ പ്രവീൺസ് ഞാറ്റുവെട്ടി അധ്യക്ഷത വഹിച്ചു.
ഗവ. ഗേൾസ് സ്കൂൾ പി.ടി.എ. പ്രസിഡൻ്റ് എ.വി. ഷൈൻ, ഗവ. ബോയ്സ് സ്കൂൾ പി.ടി.എ. പ്രസിഡൻ്റ് വി. ഭക്തവത്സലൻ, ഹയർ സെക്കൻഡറി പ്രിൻസിപ്പൽ എം.കെ. മുരളി, പ്രധാന അധ്യാപിക വി.വി. വിജി എന്നിവർ ആശംസകൾ നേർന്നു.
ഗേൾസ് വി.എച്ച്.എസ്.ഇ. പ്രിൻസിപ്പൽ കെ.ആർ. ഹേന, ബോയ്സ് വി.എച്ച്.എസ്.ഇ. സീനിയർ അസിസ്റ്റൻ്റ് സനൂജ എന്നിവരും പങ്കെടുത്തു.
ഗേൾസ് ഹയർ സെക്കൻഡറി പ്രിൻസിപ്പൽ ബിന്ദു പി. ജോൺ സ്വാഗതവും ഹൈസ്കൂൾ പ്രധാന അധ്യാപിക കെ.എസ്. സുഷ നന്ദിയും പറഞ്ഞു.
റിട്ട. കായിക അധ്യാപകൻ ലാലു തോമസ്, കൺവീനർമാരായ സുമൻ ജി. മുക്കുളത്ത്, ഡോ. എ.ബി. ബിനിയ, കെ.വി. വിദ്യ, കെ.എൽ. രതി എന്നിവരുടെ നേതൃത്വത്തിൽ മികവാർന്ന പ്രകടനങ്ങളോടെ വിദ്യാർഥിനികൾ കായികമേള അവിസ്മരണീയമാക്കി.
രാധ
ഇരിങ്ങാലക്കുട : ചെമ്മണ്ട
മരോട്ടിക്കുന്നത്ത് തിലകൻ ഭാര്യ രാധ (69) നിര്യാതയായി.
സംസ്കാരം നടത്തി.
മക്കൾ : ഷൈജ, ശ്രീജ
മരുമക്കൾ : ജുബീഷ്, അനിൽകുമാർ
ഇരിങ്ങാലക്കുട : ഗവ മോഡൽ ബോയ്സ് ഹയർ സെക്കണ്ടറി സ്കൂൾ നാഷണൽ സർവീസ് സ്കീമിന്റെ ആഭിമുഖ്യത്തിൽ ലോക നാളികേര ദിനം ആഘോഷിച്ചു.
നഗരസഭ വൈസ് ചെയർപേഴ്സൺ ചിന്ത ധർമ്മരാജൻ സ്കൂൾ അങ്കണത്തിൽ തെങ്ങിൻ. തൈ നട്ടു കൊണ്ട് പരിപാടി ഉദ്ഘാടനം ചെയ്തു.
വിദ്യാഭ്യാസ സ്റ്റാന്റിങ്ങ് കമ്മിറ്റി ചെയർമാൻ പ്രവീൺസ് ഞാറ്റുവെട്ടി, വാർഡ് കൗൺസിലർ ഡെലി സിജു യോഹന്നാൻ, പ്രിൻസിപ്പാൾ എം. കെ മുരളി, അഗ്രികൾച്ചറൽ ഫീൽഡ് ഓഫീസർ എം. ആർ അജിത്കുമാർ, അസി കൃഷി ഓഫീസർ എം. കെ ഉണ്ണി, അഗ്രികൾച്ചറൽ അസിസ്റ്റന്റ് പി. എസ് വിജയകുമാർ എന്നിവർ പ്രസംഗിച്ചു.
ഇരിങ്ങാലക്കുട : ക്രൈസ്റ്റ് കോളെജ് വുമൺസ് ഡെവലപ്മെന്റ് സെല്ലിന്റെ ആഭിമുഖ്യത്തിൽ ‘ജെൻഡർ ആൻഡ് മലയാള സിനിമ’ എന്ന വിഷയത്തിൽ സെമിനാർ സംഘടിപ്പിച്ചു.
കോളെജിലെ സെന്റ് ചാവറ സെമിനാർ ഹാളിൽ നടന്ന പരിപാടിയിൽ പ്രിൻസിപ്പൽ ഫാ. ഡോ. ജോളി ആൻഡ്രൂസ് അധ്യക്ഷത വഹിച്ചു.
എഴുത്തുകാരിയും ഗവേഷകയുമായ പൂജ “പ്രിയദർശൻ
സിനിമകളിലെ ലിംഗപദവി, സ്ത്രീ പ്രാതിനിധ്യം, മാറിയ സാമൂഹിക കാഴ്ചപ്പാടുകൾ” എന്നിവയെക്കുറിച്ചും പെൺകാഴ്ചകളെക്കുറിച്ചും സ്ത്രീ കഥാപാത്രങ്ങളുടെ ആവിഷ്കാരത്തിലുണ്ടായ മാറ്റങ്ങളെക്കുറിച്ചും
വിഷയാവതരണം നടത്തി.
എച്ച്.ആർ. മാനേജർ പ്രൊഫ. ഷീബ വർഗ്ഗീസ്, വുമൺസ് ഡെവലപ്മെന്റ് സെൽ കോർഡിനേറ്റേഴ്സ് ഡോ. വി. ശ്രീവിദ്യ, ജീന വീരകുട്ടി,
ഭാരവാഹികളായ ഡോ. സീന വർഗ്ഗീസ്, ഡോ. എം.വി. അമ്പിളി, സി.എ. നിവേദ്യ, വിവിധ വകുപ്പുകളിലെ അധ്യാപകർ, വിദ്യാർഥികൾ എന്നിവർ ചടങ്ങിൽ പങ്കെടുത്തു.
ഇരിങ്ങാലക്കുട : ക്രൈസ്റ്റ് കോളെജ് ജിയോളജി ആൻഡ് എൻവയോൺമെന്റൽ സയൻസ് വകുപ്പ്, ഫ്രണ്ടിയേഴ്സ് ഇൻ എർത്ത് സയൻസ് ലെക്ചർ സീരീസിന്റെ ഭാഗമായി ഏകദിന പ്രഭാഷണവും ചർച്ചയും സംഘടിപ്പിച്ചു.
“ബിഹാറിലെ ഭൂഗർഭജല ഗുണനിലവാര ഗവേഷണം: ആർസനിക് മുതൽ പുതുതായി ഉയർന്നുവരുന്ന മലിനീകരണങ്ങൾ, ജനപങ്കാളിത്ത ശാസ്ത്രം, പരിഹാര മാർഗങ്ങൾ വരെ” എന്ന വിഷയത്തിൽ യുകെയിലെ മാഞ്ചസ്റ്റർ സർവകലാശാലയിലെ പ്രൊഫ. ഡോ. ലോറ റിച്ചാർഡ്സും ഡോക്ടറൽ ഗവേഷകനായ അജ്മൽ റോഷനും പ്രഭാഷണം നടത്തി.
150ലധികം ബിരുദാനന്തര വിദ്യാർഥികളും ഗവേഷണ വിദ്യാർഥികളും പരിപാടിയിൽ പങ്കെടുത്തു.
പ്രഭാഷണത്തിലെ പ്രധാന ശ്രദ്ധാകേന്ദ്രം ബിഹാറിലെയും ഗംഗാതട പ്രദേശങ്ങളിലെയും ഭൂഗർഭജലത്തിൽ കാണപ്പെടുന്ന അലാറമിംഗ് തോതിലുള്ള ആർസനിക്, യുറേനിയം മലിനീകരണവും അവ തമ്മിലുള്ള ശ്രദ്ധേയമായ വിപരീത അനുപാതവുമായിരുന്നു.
ഇവയുടെ സാന്നിധ്യത്തെയും സഞ്ചാരത്തെയും നിയന്ത്രിക്കുന്ന ഭൂ-രാസ ഘടകങ്ങളും വിശദീകരിക്കപ്പെട്ടു. ദീർഘകാല ആർസനിക് സമ്പർക്കം കാൻസർ ഉൾപ്പെടെയുള്ള ഗുരുതര ആരോഗ്യപ്രശ്നങ്ങൾക്ക് കാരണമാകാമെന്നും ചർച്ചയിൽ വ്യക്തമാക്കി.
ആർസനിക് നീക്കം ചെയ്യുന്നതിനുള്ള ഇരുമ്പ് അധിഷ്ഠിത പരിഹാര മാർഗങ്ങളും ഇരുമ്പ് നെയിലുകൾ ഉപയോഗിച്ചുള്ള ലളിതമായ ശുദ്ധീകരണ രീതികളും പരിചയപ്പെടുത്തി.
എന്നാൽ, മലിനീകരണം ബാധിച്ച പ്രദേശങ്ങളിൽ നിന്ന് ശുദ്ധീകരണ കേന്ദ്രങ്ങൾ അകലെയായിരിക്കുന്നത് പ്രധാന വെല്ലുവിളിയാണെന്നും ചൂണ്ടിക്കാട്ടി.
ബിഹാറിലെ സാഹചര്യങ്ങൾക്കപ്പുറം, കേരളത്തിന്റെ വിവിധ ഭാഗങ്ങളിലും, പ്രത്യേകിച്ച് ആലപ്പുഴ ഉൾപ്പെടെയുള്ള പ്രദേശങ്ങളിൽ ഭൂഗർഭജലത്തിലെ ആർസനിക് സാന്നിധ്യം സംബന്ധിച്ച പഠനങ്ങളും കണ്ടെത്തലുകളും ചർച്ച ചെയ്തു.
കേരളത്തിലെ മനുഷ്യരക്തത്തിൽ ആർസനിക് കണ്ടെത്തിയതായി റിപ്പോർട്ട് ചെയ്ത പഠനങ്ങളും പരാമർശിക്കപ്പെട്ടു.
കേരളത്തിലെ ആർസനിക് മലിനീകരണത്തിന്റെ ഉറവിടം, വ്യാപനം, ആരോഗ്യ പ്രത്യാഘാതങ്ങൾ, അനുയോജ്യമായ പരിഹാര മാർഗങ്ങൾ എന്നിവ മനസ്സിലാക്കുന്നതിനായി കൂടുതൽ വിപുലമായ പഠനങ്ങൾ അനിവാര്യമാണെന്നും പ്രഭാഷകർ വ്യക്തമാക്കി.
പരിപാടിയിൽ പ്രിൻസിപ്പൽ റവ. ഡോ. ഫാ. ജോളി ആൻഡ്രൂസ് അധ്യക്ഷത വഹിച്ചു.
150ലധികം ബിരുദാനന്തര വിദ്യാർഥികളുടെയും ഗവേഷണ വിദ്യാർഥികളുടെയും സജീവ പങ്കാളിത്തം പരിപാടിയെ അർത്ഥവത്തായ ശാസ്ത്രീയ വേദിയാക്കി മാറ്റുകയും ഭൂഗർഭജല ഗുണനിലവാരവും മനുഷ്യാരോഗ്യവുമായി ബന്ധപ്പെട്ട വിഷയങ്ങളിൽ തുടർ ഗവേഷണത്തിന്റെയും ബോധവൽക്കരണത്തിന്റെയും ആവശ്യകത ഉയർത്തിക്കാട്ടുകയും ചെയ്തു.
തുടർന്ന് നടന്ന തുറന്ന ചർച്ചയും ചോദ്യോത്തരവേളയും പരിപാടിയെ കൂടുതൽ സജീവമാക്കി.
ജിയോളജി ആൻഡ് എൻവയോൺമെന്റൽ സയൻസ് വകുപ്പ് മേധാവി ഡോ. എൻ.ജെ. മഞ്ജു സ്വാഗതവും അസിസ്റ്റന്റ് പ്രൊഫസറും ഗവേഷണ ഡീനുമായ ഡോ. ലിന്റോ ആലപ്പാട്ട് നന്ദിയും പറഞ്ഞു.
ഇരിങ്ങാലക്കുട : മികച്ച അധ്യാപകനുള്ള സംസ്ഥാന സർക്കാരിന്റെ അവാർഡിനർഹനായ ജെനിൽ ജോണിനെ തോമസ് ഉണ്ണിയാടൻ എംഎൽഎ അഭിനന്ദിച്ചു.
തലോർ സെന്റ് തെരസിറ്റാസ് സ്കൂൾ അധ്യാപകനും ഇരിങ്ങാലക്കുട മഠത്തിക്കര സ്വദേശിയുമാണ് ജെനിൽ ജോൺ.
വാർഡ് കൗൺസിലർ എം.എസ്. ദാസൻ, മുൻ കൗൺസിലർ ബിജു ലാസർ, പ്രൊഫ. ഡോ. ഇ.ടി. ജോൺ, ലിംസൺ ഊക്കൻ എന്നിവരും അദ്ദേഹത്തോടൊപ്പമുണ്ടായിരുന്നു.
ഇരിങ്ങാലക്കുട : വെള്ളാങ്ങല്ലൂരിൽ നടത്തിയ കെപിഎംഎസ് മുന് സംസ്ഥാന പ്രസിഡൻ്റ് കെ.വി. കുമാരന് മാസ്റ്ററുടെ പതിനഞ്ചാമത് അനുസ്മരണം വെള്ളാങ്ങല്ലൂര് പഞ്ചായത്ത് പ്രസിഡൻ്റ് സുലേഖ അബ്ദുളളക്കുട്ടി ഉദ്ഘാടനം ചെയ്തു.
തുല്യതയ്ക്ക് വേണ്ടി നിരന്തരം ശബ്ദമുയര്ത്തിയ നേതാവായിരുന്നു കെ.വി. കുമാരന് മാസ്റ്ററെന്ന് അവർ പറഞ്ഞു.
അധികാരത്തിന്റെ താക്കോല് ദ്വാരങ്ങളില് സാധാരണ മനുഷ്യര്ക്ക് കടന്നുചെല്ലാന് കഴിയുന്ന സന്ദര്ഭത്തില് മാത്രമേ ജനാധിപത്യം പൂര്ണ്ണത കൈവരിക്കുകയുള്ളൂവെന്നും അത്തരമൊരു വീക്ഷണമായിരുന്നു കെ.വി. കുമാരന് മാഷിനെ നയിച്ചിരുന്നതെന്നും സുലേഖ അബ്ദുള്ളക്കുട്ടി കൂട്ടിച്ചേര്ത്തു.
യൂണിയന് പ്രസിഡൻ്റ് ആശ ശ്രീനിവാസന് അധ്യക്ഷത വഹിച്ചു.
സിപിഎം നോര്ത്ത് ലോക്കല് സെക്രട്ടറി എം.കെ. മോഹനന്, കര്ഷകമോര്ച്ച ജില്ലാ ജനറല് സെക്രട്ടറി ശശി മേനോന് മണമേല്, കെപിഎംഎസ് സംസ്ഥാന ട്രഷറര് പി.എ. അജയഘോഷ്, നേതാക്കളായ ശാന്ത ഗോപാലന്, ടി.എ. വേണു, പി.എന്. സുരന്, പ്രേംജിത്ത് പൂവത്തുംകടവില്, പി.വി. ശ്രീനിവാസന് എന്നിവര് പ്രസംഗിച്ചു.
ഇരിങ്ങാലക്കുട : നീചമായ അയ്യപ്പ നിന്ദയ്ക്കെതിരെ സണ്ണി കപിക്കാടിനെ അറസ്റ്റ് ചെയ്യണം എന്നാവശ്യപ്പെട്ട് ഹിന്ദു ഐക്യവേദി മുകുന്ദപുരം താലൂക്ക് കമ്മിറ്റിയുടെ നേതൃത്വത്തിൽ പ്രതിഷേധ പ്രകടനവും പൊതുയോഗവും നടത്തി.
നീചമായ പ്രസ്താവനകളും പ്രസംഗങ്ങളും നടത്തുന്ന സണ്ണി കപിക്കാടിനെ പോലെയുള്ളവരെ സർക്കാരിന് നിലയ്ക്കു നിർത്താൻ പറ്റിയില്ലെങ്കിൽ ഹിന്ദു ഐക്യവേദി തെരുവിൽ നേരിടുമെന്നും മുകുന്ദപുരം താലൂക്ക് കമ്മിറ്റി വ്യക്തമാക്കി.
കൂടൽമാണിക്യം ക്ഷേത്ര പരിസരത്തു നിന്നും ആരംഭിച്ച പ്രകടനത്തിന് താലൂക്ക് പ്രസിഡൻ്റ് കെ.ആർ. രാജേഷ്, വർക്കിംഗ് പ്രസിഡൻ്റ് കെ.പി. നന്ദൻ, സംഘടന സെക്രട്ടറി ടി.ആർ. രാജേഷ്, സതീഷ് കോമ്പാത്ത് തുടങ്ങിയവർ നേതൃത്വം നൽകി.
തുടർന്ന് നടന്ന പ്രതിഷേധ യോഗത്തിൽ താലൂക്ക് സെക്രട്ടറി സതീഷ് മാസ്റ്റർ മുഖ്യപ്രഭാഷണം നടത്തി.
ജില്ലാ സെക്രട്ടറിമാരായ വി.എ.കെ. മേനോൻ, രാജീവ് ചാത്തമ്പിള്ളി, ഗോപിനാഥ്, ഷാജു തുടങ്ങിയവർ പങ്കെടുത്തു.
