ഇരിങ്ങാലക്കുട : നാഷണൽ ഹയർ സെക്കണ്ടറി സ്കൂളിലെ സ്റ്റുഡൻ്റ് പൊലീസ് കേഡറ്റ് പദ്ധതിയുടെ ഓണം ക്യാമ്പ് “പൂത്തുമ്പി”ക്ക് പരിസമാപ്തിയായി.
3 ദിവസങ്ങളിലായി നടന്ന ക്യാമ്പ് കൗൺസിലർ സ്മിത കൃഷ്ണകുമാർ ഉദ്ഘാടനം ചെയ്തു.
സ്കൂൾ മാനേജർ രുക്മിണി രാമചന്ദ്രൻ, വി.പി.ആർ. മേനോൻ എന്നിവർ ചേർന്ന് പതാക ഉയർത്തി.
പ്രധാന അധ്യാപിക എൻ.എ. ലേഖ അധ്യക്ഷത വഹിച്ചു.
പി.ടി.എ. പ്രസിഡൻ്റ് വി.ബി. അനിത് ആശംസകൾ നേർന്നു.
വിവിധ സെഷനുകളിൽ എൻസിസി ഓഫീസർ ഷിജി പൗലോസ്, എസ്പിസി അധ്യാപകരായ ശ്രീകൃഷ്ണൻ നമ്പൂതിരി, ആതിര ഉണ്ണികൃഷ്ണൻ എന്നിവർ ക്ലാസിന് നേതൃത്വം നൽകി.
തുടർന്ന് എസ്പിസി പദ്ധതിയുടെ റൂറൽ ജില്ല അസിസ്റ്റൻ്റ് ഡിസ്ട്രിക്ട് നോഡൽ ഓഫീസർ ആസാദ്, എഎസ്ഐ എം.സി. ബിജു എന്നിവർ കുട്ടികളെ അഭിസംബോധന ചെയ്ത് സംസാരിച്ചു.
തുടർന്നുള്ള സെഷനുകളിൽ മോട്ടിവേഷണൽ ട്രെയിനർ വൈശാഖ് അശോകൻ, ഇരിങ്ങാലക്കുട ക്രൈസ്റ്റ് കോളെജ് വിദ്യാർഥിനിയും സൈക്കോളജിസ്റ്റുമായ അലീഷ മരിയ, അഡ്വ. . ഉമാദേവി, ഇരിങ്ങാലക്കുട നഗരസഭ സീനിയർ ഹെൽത്ത് ഇൻസ്പെക്ടർ നിസാർ എന്നിവർ ക്ലാസിന് നേതൃത്വം നൽകി.
ക്യാമ്പിൻ്റെ ഭാഗമായി ഇരിങ്ങാലക്കുട ഫയർ ആൻഡ് റെസ്ക്യൂ സ്റ്റേഷൻ സന്ദർശിക്കുകയും അടിയന്തര സാഹചര്യത്തിൽ അറിയേണ്ട പൊതുവിവരങ്ങളെ കുറിച്ച് കുട്ടികൾക്ക് ഇൻസ്പെക്ടർമാരായകെ.എസ്. സജിത്, ആർ. രാജേഷ് എന്നിവർ പരിശീലനം നൽകി.
തുടർന്ന് കുട്ടികൾക്ക് എയറോബിക് പരിശീലനത്തിന് ഇന്ദ്ര സോനുവും പരേഡ് പരിശീലനത്തിന് റൂറൽ ജില്ല അസിസ്റ്റൻ്റ് ഡിസ്ട്രിക്ട് നോഡൽ ഓഫീസർ ആസാദും എഎസ്ഐ എം.സി. ബിജുവും നേതൃത്വം നൽകി.
ക്യാമ്പിൻ്റെ സമാപന സമ്മേളനം കൗൺസിലർ ശ്രീലക്ഷ്മി മനോജ് ഉദ്ഘാടനം ചെയ്തു.
ഡെപ്യൂട്ടി ഹെഡ്മാസ്റ്റർ കെ.വി. സുശീൽ അധ്യക്ഷത നിർവഹിച്ചു.
ക്യാമ്പിൻ്റെ മികച്ച കേഡറ്റുകളായി സീനിയർ കേഡറ്റുകളായ അനാമിക വിനീഷ്, ടി.ബി. അതുൽ എന്നിവരെ തിരഞ്ഞെടുത്തു.
