ഇരിങ്ങാലക്കുട : റെയിൽവേ ട്രാക്കിൽ നിന്ന് കാൽ തെറ്റി ട്രെയിനിനടിയിലേക്ക് വീഴാൻ തുടങ്ങിയ യുവതിയെ സ്വന്തം സുരക്ഷ പോലും മറന്ന് സമയോചിതമായ ഇടപെടലിലൂടെ സാഹസികമായി രക്ഷിച്ച തൃശൂർ റെയിൽവേ പ്രൊട്ടക്ഷൻ ഫോഴ്സ് കോൺസ്റ്റബിൾ കെ.വി. സന്തോഷിനെ ഇരിങ്ങാലക്കുട ഭാരതീയ വിദ്യാഭവൻ ആദരിച്ചു.
സ്കൂളിലെ പത്താം ക്ലാസ്സ് വിദ്യാർഥിയായ നന്ദകിഷന്റെയും ആറാം ക്ലാസ്സ് വിദ്യാർഥിനി നന്ദശിവാനിയുടെയും അച്ഛനാണ് കെ.വി. സന്തോഷ്.
സ്കൂൾ അസംബ്ലിയിൽ നടന്ന ചടങ്ങിൽ ചെയർമാൻ ടി.എ. നായർ പൊന്നാടയണിയിച്ചു. പ്രിൻസിപ്പൽ ബിജു ഗീവർഗ്ഗീസ് പൂച്ചെണ്ട് നൽകി.
തുടർന്ന് അദ്ദേഹം കുട്ടികളുമായി സംവദിച്ചു. ഓരോ ചുവടും ശ്രദ്ധയോടെയും സൂക്ഷ്മതയോടെയും മുന്നോട്ടുവയ്ക്കാൻ ചെറുപ്പം മുതലേ ശീലിക്കണമെന്ന് അദ്ദേഹം കുട്ടികളെ ഓർമിപ്പിച്ചു.
സന്തോഷിന്റെ കുടുംബാംഗങ്ങളും ചടങ്ങിൽ പങ്കെടുത്തു.
Leave a Reply