ഇരിങ്ങാലക്കുട : ഭാരതീയ വിദ്യാഭവനിൽ സ്വാതന്ത്ര്യദിനാഘോഷ പരിപാടികൾ വിപുലമായി സംഘടിപ്പിച്ചു.
ചെയർമാൻ ടി.എ. നായർ പതാക ഉയർത്തി.
പ്രിൻസിപ്പൽ ബിജു ഗീവർഗ്ഗീസ്, എക്സിക്യൂട്ടീവ് വൈസ് ചെയർമാൻ സി. നന്ദകുമാർ, വൈസ് ചെയർമാൻ ടി.പി. വിവേകാനന്ദൻ, സെക്രട്ടറി വി. രാജൻ, ട്രഷറർ സുബ്രഹ്മണ്യൻ, മാനേജ്മെന്റ് കമ്മിറ്റി അംഗങ്ങളായ നാരായണൻകുട്ടി, അഡ്വ. ആനന്ദവല്ലി, വൈസ് പ്രിൻസിപ്പൽമാരായ സുജാത രാമനാഥൻ, ഗിരിജ മേനോൻ, പി.ടി.എ. പ്രസിഡന്റ് കെ.ജി. രാമനാഥ് എന്നിവർ പങ്കെടുത്തു.
വിദ്യാർഥികൾ അവതരിപ്പിച്ച കലാപരിപാടികൾ ഏറെ വിജ്ഞാനപ്രദവും ദേശാഭിമാനപ്രചോദിതവുമായിരുന്നു.
സ്വാതന്ത്ര്യ സമരനേതാക്കളുടെ വേഷമണിഞ്ഞ് വിദ്യാർഥികൾ അവതരിപ്പിച്ച പരിപാടി ഏറെ ശ്രദ്ധേയമായി.
തുടർന്ന് ദേശഭക്തിഗാനങ്ങൾ, നൃത്തപരിപാടികൾ, കെ.ജി വിദ്യാർഥികളുടെ പരിപാടികൾ തുടങ്ങിയവയും ഉണ്ടായിരുന്നു.
ആഘോഷത്തിനായി ഒത്തുകൂടിയ എല്ലാവരും ലഹരി വിരുദ്ധ പ്രതിജ്ഞ എടുക്കുകയും ചെയ്തു.
അധ്യാപകരായ കെ.എം. സറീന, എം.എ. ബീമ, നീതു എന്നിവർ പരിപാടികൾ ഏകോപിപ്പിച്ചു.
Leave a Reply