ഇരിങ്ങാലക്കുട : ജനാധിപത്യവും ജനജീവിതവും സംരക്ഷിക്കാൻ സിപിഐ സംഘടിപ്പിക്കുന്ന “ഡൽഹി ചലോ” മാർച്ചിന്റെ പ്രചരണാർത്ഥം കാറളം ലോക്കൽ കമ്മിറ്റി സംഘടിപ്പിച്ച സമര പ്രചരണ കാൽനട ജാഥ വെള്ളാനിയിൽ ഇരിങ്ങാലക്കുട മണ്ഡലം സെക്രട്ടറി എൻ.കെ. ഉദയപ്രകാശ് ഉദ്ഘാടനം ചെയ്തു.
ലോക്കൽ സെക്രട്ടറി എം. സുധീർദാസ് ക്യാപ്റ്റനും, മഹിളാസംഘം പഞ്ചായത്ത് കമ്മിറ്റി സെക്രട്ടറി ബിന്ദു പ്രദീപ് വൈസ് ക്യാപ്റ്റനും, ഇരിങ്ങാലക്കുട മണ്ഡലം സെക്രട്ടറിയേറ്റ് അംഗം കെ.എസ്. ബൈജു ഡയറക്ടറുമായും പ്രവർത്തിച്ച ജാഥ കാറളം പഞ്ചായത്തിന്റെ വിവിധ കേന്ദ്രങ്ങളിൽ സഞ്ചരിച്ച് സ്വീകരണങ്ങൾ ഏറ്റുവാങ്ങി.
കാറളം സെന്ററിൽ നടന്ന സമാപന സമ്മേളനം സംസ്ഥാന കൗൺസിൽ അംഗം കെ.വി. വസന്തകുമാർ ഉദ്ഘാടനം ചെയ്തു.
വിവിധ കേന്ദ്രങ്ങളിൽ നടന്ന സ്വീകരണ സമ്മേളനങ്ങളിൽ മുൻ സംസ്ഥാന കൗൺസിൽ അംഗം കെ. ശ്രീകുമാർ, എഐടിയുസി മണ്ഡലം പ്രസിഡന്റ് റഷീദ് കാറളം, സിപിഐ ലോക്കൽ അസി. സെക്രട്ടറി സി.കെ. ആരോമൽ, എഐടിയുസി മണ്ഡലം നേതാവ് മോഹനൻ വലിയാട്ടിൽ, എഐവൈഎഫ് മണ്ഡലം സെക്രട്ടറി പി.എസ്. ശ്യാംകുമാർ എന്നിവർ പ്രസംഗിച്ചു.
Leave a Reply