ഇരിങ്ങാലക്കുട : സേവാഭാരതി വേളൂക്കര, തൃപ്പയ്യ ക്ഷേത്ര ക്ഷേമസമിതി, ലയൺസ് ക്ലബ് കൊമ്പൊടിഞ്ഞാമക്കൽ എന്നീ സംഘടനകളുടെ നേതൃത്വത്തിൽ
സൗജന്യ മെഡിക്കൽ പരിശോധന ക്യാമ്പ് നടവരമ്പ് തൃപ്പയ്യാ ക്ഷേത്ര ക്ഷേമസമിതി ഹാളിൽ വച്ച് നടത്തി.
വേളൂക്കര സേവാഭാരതി പ്രസിഡൻ്റ് രാജേന്ദ്രവർമ്മ അധ്യക്ഷത വഹിച്ചു.
ക്ഷേത്ര ക്ഷേമ സമിതി പ്രസിഡൻ്റ് പി. രാധാകൃഷ്ണൻ ക്യാമ്പിന് തിരി തെളിയിച്ചു.
വേളൂക്കര പഞ്ചായത്ത് ആരോഗ്യ സ്റ്റാൻഡിങ് കമ്മിറ്റി ചെയർമാൻ എം.വി. അയ്യപ്പൻ ക്യാമ്പ് ഉദ്ഘാടനം ചെയ്തു.
മെട്രോ ഹെൽത്ത് കെയർ മാനേജിങ് ഡയറക്ടർ ഡോ. എം.ആർ. രാജീവ്, അസ്ഥിരോഗ വിഭാഗം ഡോ. ജയകുമാർ, നേത്രരോഗവിഭാഗം ഡോ. സുജ ജോർജ്ജ് വളവി എന്നിവർ ആശംസകൾ അർപ്പിച്ചു.
ജില്ലാ മെഡിക്കൽ ക്യാമ്പ് കോർഡിനേറ്റർ ജോൺസൺ കോലങ്കണ്ണി ക്യാമ്പിൻ്റെ പ്രാധാന്യത്തെക്കുറിച്ച് വിവരണം നൽകി.
പി.എൻ. ശ്രീരാമൻ നന്ദി പറഞ്ഞു.
Leave a Reply