ഇരിങ്ങാലക്കുട : സിപിഐ നേതൃത്വത്തിൽ സെപ്തംബർ 1ന് നടക്കുന്ന ദേശീയ പ്രക്ഷോപത്തിന്റെ ഭാഗമായി ഇരിങ്ങാലക്കുട
മണ്ഡലത്തിലെ വിവിധ ലോക്കൽ കമ്മിറ്റികളിൽ കാൽനട പ്രചരണ ജാഥകൾ നടത്തി.
ആളൂർ ലോക്കൽ കമ്മിറ്റിയുടെ നേതൃത്വത്തിൽ നടന്ന കാൽനട പ്രചരണ ജാഥ സിപിഐ ജില്ലാ എക്സിക്യൂട്ടീവ് അംഗം പി. മണി ഉദ്ഘാടനം ചെയ്തു.
കെ.എസ്. ഉണ്ണികൃഷ്ണൻ അധ്യക്ഷത വഹിച്ചു,
കെ.സി. സജയൻ ജാഥ ക്യാപ്റ്റനായും, അജിത സുബ്രഹ്മണ്യൻ വൈസ് ക്യാപ്റ്റനായും, കെ.കെ. ജോഷി മാനേജരായും നടന്ന ജാഥ വിവിധ കേന്ദ്രങ്ങളിലെ സ്വീകരണങ്ങൾ ഏറ്റുവാങ്ങി ആളൂർ സെന്ററിൽ എത്തിച്ചേർന്നു.
തുടർന്ന് നടന്ന സമാപന സമ്മേളനം സിപിഐ സ്റ്റേറ്റ് കൗൺസിൽ അംഗം ടി.കെ. സുധീഷ് ഉദ്ഘാടനം ചെയ്തു.
കെ.സി. ഹരിദാസ് അധ്യക്ഷത വഹിച്ചു.
എം.ബി. ലത്തീഫ്, ഷാജി ജോസഫ് എന്നിവർ പ്രസംഗിച്ചു.
പൊറത്തിശ്ശേരി ലോക്കൽ കമ്മിറ്റിയുടെ നേതൃത്വത്തിൽ നടന്ന കാൽനട ജാഥ മണ്ഡലം സെക്രട്ടേറിയറ്റ് അംഗം കെ.എസ്. പ്രസാദ് ഉദ്ഘാടനം ചെയ്തു.
പി.സി. രഘു അധ്യക്ഷത വഹിച്ചു.
പി.ആർ. രാജൻ ക്യാപ്റ്റനായും, അൽഫോൻസ തോമസ് വൈസ് ക്യാപ്റ്റനായും, പി.സി. മാനേജരായും നടന്ന ജാഥ വിവിധ കേന്ദ്രങ്ങളിൽ സ്വീകരണങ്ങൾ ഏറ്റുവാങ്ങി മാപ്രാണത്ത് എത്തിച്ചേർന്നു. തുടർന്ന് നടന്ന സമാപന സമ്മേളനം മണ്ഡലം സെക്രട്ടറി എൻ.കെ. ഉദയപ്രകാശ് ഉദ്ഘാടനം ചെയ്തു.
ടി.വി. വിപിൻ, അൽഫോൻസ തോമസ് എന്നിവർ പ്രസംഗിച്ചു.
Leave a Reply