ഇരിങ്ങാലക്കുട : വായനയുടെ പ്രാധാന്യം ബോധ്യപ്പെടുത്തുന്നതിനും അറിവിന്റെയും ആസ്വാദനത്തിന്റെയും അക്ഷരലോകങ്ങളിലേക്ക് കുട്ടികളെ നയിക്കുന്നതിനുമായി ഇരിങ്ങാലക്കുട ഭാരതീയ വിദ്യാഭവനിൽ കഴിഞ്ഞ ഒരു മാസക്കാലമായി നടന്നുവന്നിരുന്ന വായന മാസാചരണ പരിപാടികൾ സമാപിച്ചു.
വായന മാസാചരണത്തിന്റെ ഭാഗമായി ഒരുക്കിയ പ്രത്യേക പരിപാടിയിൽ എഴുത്തുകാരിയും അധ്യാപികയുമായ കെ.ജി. മംഗള മുഖ്യാതിഥിയായിരുന്നു.
അറിവിനും ആസ്വാദനത്തിനുമപ്പുറം വായന പകരുന്ന ജീവിതമൂല്യങ്ങളെക്കൂടി അവർ തന്റെ വായനാ സന്ദേശത്തിൽ കൂട്ടിച്ചേർത്തു.
അവർ കുട്ടികളുമായി സംവദിക്കുകയും കുട്ടികളുടെ വായനാനുഭവങ്ങൾ പങ്കുവയ്ക്കാൻ അവസരം നൽകുകയും ചെയ്തു.
സെക്രട്ടറി വി. രാജൻ, ട്രഷറർ സുബ്രഹ്മണ്യൻ, വൈസ് പ്രിൻസിപ്പൽമാരായ സുജാത രാമനാഥൻ, ഗിരിജ മേനോൻ, മലയാളവിഭാഗം മേധാവി ബിന്ദുമതി, ലൈബ്രേറിയൻ ബിന്ദു തമ്പാട്ടി എന്നിവർ പങ്കെടുത്തു.
വിവിധ ഭാഷകളിലെ പുസ്തകങ്ങൾ ഉൾപ്പെടുത്തി സ്കൂളിൽ വിപുലമായ പുസ്തകപ്രദർശനം സംഘടിപ്പിച്ചു.
5, 6, 7 ക്ലാസുകളിലെ കുട്ടികൾക്കായി ബുക്ക് കവർ ഡിസൈനിങ് മത്സരവും 9, 11 ക്ലാസ്സുകളിലെ കുട്ടികൾക്കായി പ്രശ്നോത്തരി മത്സരവും സംഘടിപ്പിച്ചു.
Leave a Reply