ഇരിങ്ങാലക്കുട : കൃഷിഭവന്റെയും ഇരിങ്ങാലക്കുട നഗരസഭയുടെയും സംയുക്താഭിമുഖ്യത്തിൽ ഇരിങ്ങാലക്കുട പ്രതീക്ഷാ ഭവൻ ട്രെയിനിങ് സെന്ററിൽ ആരംഭിച്ച കതിർ കാർഷിക ക്ലബ് – ജൈവ പച്ചക്കറികൃഷി പദ്ധതി നഗരസഭ ചെയർമാൻ എം.പി. ജാക്സൺ ഉദ്ഘാടനം ചെയ്തു.
നഗരസഭ സ്റ്റാൻഡിങ് കമ്മിറ്റി ചെയർപേഴ്സൺ റോണി പോൾ മാവേലി അധ്യക്ഷത വഹിച്ചു.
കൃഷി ഫീൽഡ് ഓഫീസർ എം.ആർ. അജിത്കുമാർ പദ്ധതി വിശദീകരണം നടത്തി.
പദ്ധതിയുടെ ഭാഗമായി 200 മൺചട്ടിയിൽ പച്ചക്കറി കൃഷി നടപ്പിലാക്കാൻ തീരുമാനിച്ചു.
യോഗത്തിൽ വികസനകാര്യ സ്റ്റാൻഡിങ് കമ്മിറ്റി ചെയർമാൻ അഡ്വ. വി.സി. വർഗ്ഗീസ്, പി.ടി.എ. പ്രസിഡന്റ് പി.സി. ജോർജ്ജ്, ട്രെയിനിങ് സെന്റർ പ്രിൻസിപ്പൽ സി. സുജിത, ഇരിങ്ങാലക്കുട ക്രൈസ്റ്റ് നഗർ റസിഡൻഷ്യൽ അസോസിയേഷൻ സെക്രട്ടറി തോംസൺ ചിരിയൻകണ്ടത്ത്, കൺവീനർ മാത്യു ജോർജ്ജ്, ഇരിങ്ങാലക്കുട അർബൻ മാർക്കറ്റ് പ്രസിഡന്റ് ഷിൻസി, കതിർ കാർഷിക ക്ലബ് സ്റ്റാഫ് കൺവീനർ സി. ജോളി, അധ്യാപകർ, കതിർ ക്ലബ് ഭാരവാഹികൾ, വിദ്യാർഥികൾ എന്നിവർ പങ്കെടുത്തു.
Leave a Reply