ഇരിങ്ങാലക്കുട : സംസ്ഥാന സർക്കാരിൻ്റെ 100 ദിന കർമ്മ പരിപാടിയുടെ ഭാഗമായി ലഹരി വിരുദ്ധ ബോധവൽക്കരണ പരിപാടികൾ ശക്തിപ്പെടുത്തുന്നതിന് കാറളം വൊക്കേഷണൽ ഹയർ സെക്കൻഡറി സ്കൂളിലെ വിഎച്ച്എസ്ഇ വിഭാഗത്തിൽ ടോൾഫ്രീ നമ്പറുകൾ അടങ്ങിയ വിമുക്തി കാർഡ് വിതരണം ചെയ്തു.
തൃശൂർ എക്സൈസ് ഡിവിഷൻ ഓഫീസിലെ വിമുക്തി റിസോഴ്സ് പേഴ്സണും, സിവിൽ എക്സൈസ് ഓഫീസറുമായ പി.എം. ജദീർ ടോൾഫ്രീ നമ്പറുകൾ അടങ്ങിയ വിമുക്തി കാർഡ് അധ്യാപകനും ലഹരി വിരുദ്ധ ക്ലബ് കൺവീനറുമായ മുഹമ്മദ് റോഷലിന് നൽകി ഉദ്ഘാടനം നിർവഹിച്ചു.
തുടർന്ന് ക്ലബ്ബംഗങ്ങൾക്കും, വിദ്യാർഥികൾക്കും അധ്യാപകർക്കും കാർഡുകൾ വിതരണം ചെയ്തു.
മയക്കുമരുന്ന് ഉപയോഗം ശ്രദ്ധയിൽപ്പെട്ടാൽ അറിയിക്കേണ്ട നമ്പർ, വിമുക്തി ടോൾഫ്രീ നമ്പർ, ചാലക്കുടി ഡി അഡിക്ഷൻ കേന്ദ്രം നമ്പറുകൾ, നേർവഴി നമ്പർ, തൃശൂർ എക്സൈസ് കൺട്രോൾ നമ്പർ എന്നീ നമ്പറുകളുടെ പ്രാധാന്യത്തെക്കുറിച്ച് ചടങ്ങിൽ വിശദീകരിച്ചു.
അധ്യാപകരായ ഭവ്യ, മായാദേവി എന്നിവർ നേതൃത്വം നൽകി.
Leave a Reply