ഇരിങ്ങാലക്കുട : ഗവ. ഗേൾസ് വൊക്കേഷണൽ ഹയർ സെക്കൻഡറി സ്കൂളിൽ “1 മില്യൺ തൂഫാൻ ഗോൾസ് @ വേൾഡ് കപ്പ് 2026” ക്യാമ്പയിൻ സംഘടിപ്പിച്ചു.
“ധീരമായി കളിക്കുക, ശുദ്ധിയായി ജീവിക്കുക, ഒരുമിച്ച് മുന്നേറുക” എന്ന സന്ദേശം നൽകുന്ന ക്യാമ്പയിൻ ഇരിങ്ങാലക്കുട റൂറൽ പൊലീസ് വനിതാ സെൽ എസ്ഐ അനു ജോസ് ഉദ്ഘാടനം ചെയ്തു.
വി.എച്ച്.എസ്.ഇ. വിഭാഗം സീനിയർ അധ്യാപിക എം. ജസീല ആശംസകൾ നേർന്നു.
ഹയർ സെക്കൻഡറി പ്രിൻസിപ്പൽ ബിന്ദു പി. ജോൺ സ്വാഗതവും
ഹൈസ്കൂൾ ഹെഡ്മിസ്ട്രസ് കെ.എസ്. സുഷ നന്ദിയും പറഞ്ഞു.
പി.ടി.എ. ഭാരവാഹികൾ, എസ്എംസി അംഗം ലാജി വർക്കി, അധ്യാപകർ, വിദ്യാർഥിനികൾ എന്നിവർ പങ്കെടുത്തു.
ഫുട്ബോൾ എന്ന ആവേശ ലഹരിയിലേക്ക് വിദ്യാർഥിനികളെ കൈപിടിച്ചുയർത്തുന്ന ‘തൂഫാൻ ഗോൾസ്’ ക്യാമ്പയിന്റെ ഊർജ്ജസ്വലതയും ആവേശവും പരിപാടിയിലുടനീളം പ്രകടമായിരുന്നു.
Leave a Reply