ഇരിങ്ങാലക്കുട : കൂടൽമാണിക്യം തിരുവുത്സവത്തോടനുബന്ധിച്ച് തെക്കേ നടയിൽ പ്രത്യേകം സജ്ജമാക്കിയ മാണിക്യം വേദിയിൽ വച്ച് ഇപ്രാവശ്യത്തെ മാണിക്യശ്രീ പുരസ്കാരം നളിൻ ബാബു പ്രശസ്ത കൂടിയാട്ട കലാകാരൻ വേണുജിക്ക് സമർപ്പിച്ചു.
സാംസ്കാരിക സമ്മേളനം കഥകളി ആചാര്യൻ രാഘവനാശാൻ ഉദ്ഘാടനം ചെയ്തു.
കൂടൽമാണിക്യം ദേവസ്വം ചെയർമാൻ അഡ്വ. സി.കെ. ഗോപി അധ്യക്ഷത വഹിച്ചു.
ദേവസ്വം ഭരണസമിതി അംഗം ഡോ. മുരളീ ഹരിതം ആമുഖപ്രഭാഷണം നടത്തി.
തന്ത്രി പ്രതിനിധി ഗോവിന്ദൻ നമ്പൂതിരിപ്പാട്, ഭരണസമിതി അംഗങ്ങളായ കെ. ബിന്ദു, വി.സി. പ്രഭാകരൻ, രാഘവൻ മുളങ്ങാടൻ, കൗൺസിലർ പി.സി. രഘു, ആദിശ്രീ എന്നിവർ ആശംസകൾ നേർന്നു.
ഭരണസമിതി അംഗം അഡ്വ. കെ.ജി. അജയ്കുമാർ സ്വാഗതവും അഡ്മിനിസ്ട്രേറ്റർ ജി.എസ്. രാധേഷ് നന്ദിയും പറഞ്ഞു.
Leave a Reply