ഇരിങ്ങാലക്കുട : സെന്റ് തോമസ് കത്തീഡ്രൽ കത്തോലിക്ക കോൺഗ്രസ് എ.കെ.സി.സി.യുടെ നേതൃത്വത്തിൽ ഓണാഘോഷത്തോടനുബന്ധിച്ച് നടത്തിയ ഘോഷയാത്ര കത്തീഡ്രൽ വികാരി റവ. ഡോ. ഫാ. ലാസർ കുറ്റിക്കാടൻ ഓണാഘോഷ കമ്മറ്റി ജനറൽ കൺവീനർ രഞ്ജി അക്കരക്കാരന് പതാക നൽകിക്കൊണ്ട് ഫ്ലാഗ് ഓഫ് ചെയ്തു.
വാദ്യമേളങ്ങളുടെ അകമ്പടിയോടെ നടന്ന ഘോഷയാത്ര ചന്തക്കുന്ന് വഴി ടൗൺ ചുറ്റി സെന്റ് മേരീസ് ഹയർ സെക്കണ്ടറി സ്കൂളിൽ സമാപിച്ചു.
തുടർന്ന് നടന്ന പൊതുസമ്മേളനത്തിൽ കത്തീഡ്രൽ കത്തോലിക്ക കോൺഗ്രസ് പ്രസിസന്റ് സാബു കൂനൻ അധ്യക്ഷത വഹിച്ചു.
വികാരി റവ. ഡോ. ഫാ. ലാസർ കുറ്റിക്കാടൻ ഉദ്ഘാടനം ചെയ്തു.
ജനറൽ കൺവീനർ രഞ്ജി അക്കരക്കാരൻ, കത്തീഡ്രൽ ട്രസ്റ്റി ടോണി ചെറിയാടൻ, സെക്രട്ടറി റോബി കാളിയങ്കര, ട്രഷറർ ഡേവിസ് ചക്കാലക്കൽ മാവേലി, ബാബു ചേലക്കാട്ട് പറമ്പിൽ, രൂപത പി.ആർ.ഒ. ടെൽസൺ കോട്ടോളി, മിനി കാളിയങ്കര, വൈസ് പ്രസിഡന്റുമാരായ ഷാജു കണ്ടകുളത്തി, ബീന രാജേഷ്, ജോയിൻ്റ് കൺവീനർ സുനിൽ ആന്റപ്പൻ, പ്രോഗ്രാം കൺവിനർ ജയ ജോസഫ്, ജോബി അക്കരക്കാരൻ എന്നിവർ പ്രസംഗിച്ചു.
മികച്ച വനിത കർഷകയായി നഗരസഭ തിരഞ്ഞെടുത്ത ജോയ്സി ഡെന്നിയെ പൊന്നാടയണിച്ച് ആദരിച്ചു.
Leave a Reply