ഇരിങ്ങാലക്കുട : മനക്കലപ്പടി 6-ാം വാർഡ് വികസന സമിതിയുടെ നേതൃത്വത്തിൽ എസ്.എസ്.എൽ.സി., പ്ലസ് ടു പരീക്ഷകളിൽ ഉന്നത വിജയം നേടിയ വിദ്യാർഥികൾക്കായുള്ള അനുമോദന ചടങ്ങും കരിയർ ഗൈഡൻസ് ക്ലാസും വെള്ളാങ്ങല്ലൂർ ബ്ലോക്ക് പഞ്ചായത്ത് ഹാളിൽ സംഘടിപ്പിച്ചു.
ജില്ലാ പഞ്ചായത്ത് അംഗം ജോസ് ജെ. ചിറ്റിലപ്പിള്ളി പരിപാടി ഉദ്ഘാടനം ചെയ്തു.
ബ്ലോക്ക് പഞ്ചായത്ത് അംഗം ജിസ്മ ഫ്രാൻസിസ് അധ്യക്ഷത വഹിച്ചു.
മുൻ ദേവസ്വം ചെയർമാൻ എൻ.ബി. മോഹനൻ ആശംസകൾ നേർന്നു.
ട്രെയിനറും കൗൺസിലറും ലൈഫ് കോച്ചുമായ ആർ.ബി. ഷിഫ വിദ്യാർഥികൾക്കായി കരിയർ ഗൈഡൻസ് ക്ലാസ് നയിച്ചു.
വാർഡ് മെമ്പർ അസ്മാബി ലത്തീഫ് സ്വാഗതം പറഞ്ഞു.
ഉന്നത വിജയം നേടിയ വിദ്യാർഥികളെ ചടങ്ങിൽ അനുമോദിക്കുകയും അവരുടെ തുടർപഠനത്തിനും തൊഴിൽ സാധ്യതകൾക്കും ആവശ്യമായ മാർഗ്ഗനിർദ്ദേശങ്ങൾ നൽകുകയും ചെയ്തു.
Leave a Reply