ഇരിങ്ങാലക്കുട : എടത്തിരുത്തി പഞ്ചായത്ത് ജാഗ്രത സമിതിയുടെ നേതൃത്വത്തിൽ ജാഗ്രത സമിതി അംഗങ്ങൾക്കുള്ള പരിശീലന പരിപാടി സംഘടിപ്പിച്ചു.
ക്ഷേമകാര്യ സ്റ്റാൻഡിങ് കമ്മിറ്റി ചെയർമാൻ ഐഷാബി മുഹമ്മദ് അധ്യക്ഷത വഹിച്ചു.
വൈസ് പ്രസിഡൻ്റ് ടി.കെ. ചന്ദ്രബാബു പരിശീലന പരിപാടി ഉദ്ഘാടനം ചെയ്തു.
“വയോജന സംരക്ഷണം സാമൂഹിക ഉത്തരവാദിത്വം : വയോജന സുരക്ഷയ്ക്കായി എം.ഡബ്ലിയു.പി.എസ്.സി. ആക്ട് 2007” എന്ന വിഷയത്തിൽ സാമൂഹ്യനീതി വകുപ്പ് സായംപ്രഭ മാനേജർ മാർഷൽ സി. രാധാകൃഷ്ണൻ ബോധവൽക്കരണ ക്ലാസ്സ് നടത്തി.
ജാഗ്രത സമിതി പ്രവർത്തനങ്ങളിൽ അംഗങ്ങളുടെ പങ്കിനെക്കുറിച്ചും പ്രവർത്തനരീതികളെക്കുറിച്ചും പരിശീലന ക്ലാസ്സിൽ വിശദീകരിച്ചു.
വയോജനങ്ങൾ നേരിടുന്ന അതിക്രമങ്ങൾക്കെതിരെയുള്ള ബോധവൽക്കരണ പരിപാടികളുടെ ഭാഗമായി സാമൂഹ്യനീതി വകുപ്പ് പ്രസിദ്ധീകരിച്ച ബോധവൽക്കരണ ബ്രോഷറുകളും പരിശീലന പരിപാടിയിൽ വിതരണം ചെയ്തു.
ആരോഗ്യ വിദ്യാഭ്യാസ സ്റ്റാൻഡിങ് കമ്മിറ്റി ചെയർപേഴ്സൺ അജിതകുമാരി, വികസന സ്റ്റാൻഡിങ് കമ്മിറ്റി ചെയർമാൻ നൗമി പ്രസാദ്, വാർഡ് മെമ്പർ ഷാജി കണ്ണകില്ലത്ത്, മതിലകം ബ്ലോക്ക് മെമ്പർ കെ.ആർ. ഹരി, കുടുംബശ്രീ ചെയർപേഴ്സൺ സുബൈദ അബ്ദുൽ ജബ്ബാർ, കമ്മ്യൂണിറ്റി വുമൺ ഫെസിലിറ്റേറ്റർ ഭാഗ്യലക്ഷ്മി ബാബു തുടങ്ങിയവർ പ്രസംഗിച്ചു.
വാർഡ് മെമ്പർമാരായ ഷിനിത ലെനിൻ, ഷാജഹാൻ, രഞ്ജിനി സത്യൻ, സാജിത അഷ്റഫ്, സുധീഷ് മഞ്ചാക്കൽ, ഉമറുൽ ഫാറൂഖ്, സ്ലസിൻ ദിനേശ്, നീതു സുജേഷ്, കെ.ബി. അജയഘോഷ്, വാർഡ്തല കുടുംബശ്രീ സിഡിഎസ് മെമ്പർമാർ, അംഗനവാടി അധ്യാപകർ, ആശാവർക്കർമാർ, ഓരോ വാർഡിലെയും 5 ജാഗ്രത സമിതി അംഗങ്ങൾ തുടങ്ങിയവർ യോഗത്തിൽ പങ്കെടുത്തു.
