ഇരിങ്ങാലക്കുട : എല്ലാ വിഭാഗം ജനങ്ങൾക്കിടയിലും പൊതു സ്വീകാര്യനായ കമ്മ്യൂണിസ്റ്റ് മുഖമായിരുന്നു പി.എസ്. സുകുമാരൻ മാസ്റ്ററുടേതെന്നും കാർഷിക മേഖലയിൽ ഒട്ടനവധി മാറ്റങ്ങൾക്ക് അദ്ദേഹം മാർഗദർശിയായിരുന്നുവെന്നും സിപിഐ ജില്ലാ സെക്രട്ടറി കെ.ജി. ശിവാനന്ദൻ അഭിപ്രായപ്പെട്ടു.
പി.എസ്. സുകുമാരൻ മാസ്റ്റർ അനുസ്മരണ പ്രഭാഷണം നടത്തി സംസാരിക്കുകയായിരുന്നു അദ്ദേഹം.
സിപിഐ മണ്ഡലം കമ്മിറ്റി അംഗം വി.ആർ. രമേഷ് അധ്യക്ഷത വഹിച്ചു.
സിപിഐ സംസ്ഥാന കൗൺസിൽ അംഗം ടി.കെ. സുധീഷ്, ജില്ലാ എക്സിക്യൂട്ടീവ് അംഗം പി. മണി, സിപിഐ മണ്ഡലം സെക്രട്ടറി എൻ.കെ. ഉദയപ്രകാശ്, മണ്ഡലം സെക്രട്ടേറിയേറ്റ് അംഗം അനിത രാധാകൃഷ്ണൻ, സിപിഐ മുതിർന്ന നേതാവ് കെ.വി. രാമകൃഷ്ണൻ, എഐഎസ്എഫ് ജില്ലാ സെക്രട്ടറി മിഥുൻ പോട്ടക്കാരൻ, പടിയൂർ പഞ്ചായത്ത് പ്രസിഡൻ്റ് കെ.പി. കണ്ണൻ എന്നിവർ പ്രസംഗിച്ചു.
സിപിഐ ലോക്കൽ സെക്രട്ടറി ഇൻ ചാർജ് മുരളി മണക്കാട്ടുംപടി സ്വാഗതവും കിസാൻസഭ പഞ്ചായത്ത് സെക്രട്ടറി കെ.വി. ഹജീഷ് നന്ദിയും പറഞ്ഞു.
മണ്ഡലം കമ്മിറ്റി അംഗങ്ങളായ സുധ ദിലീപ്, ടി.വി. വിബിൻ തുടങ്ങിയവർ സന്നിഹിതരായിരുന്നു.
Leave a Reply