ഇരിങ്ങാലക്കുട : കാട്ടൂർ കലാസദനം സർഗ്ഗസംഗമം ഗ്രൂപ്പിൻ്റെ നേതൃത്വത്തിൽ തുടർച്ചയായി നടത്തിവരുന്ന ദ്വൈവാര സാംസ്കാരിക സംഗമത്തിൻ്റെ ഭാഗയായി മഹാകവി ജി. അനുസ്മരണവും കഥാവിചാരവും നടത്തി.
കാട്ടൂർ ടി.കെ. ബാലൻ ഹാളിൽ നടന്ന സംഗമം സാഹിത്യകാരൻ പി.കെ. ഭരതൻ ഉദ്ഘാടനം ചെയ്തു.
കാട്ടൂർ രാമചന്ദ്രൻ അധ്യക്ഷനായി.
വിവിധ കലാ-സാഹിത്യ മത്സരങ്ങളിൽ വിജയികളായ ടി.എം. സന, കാർത്തിക സദാശിവൻ, അനീന വർഗ്ഗീസ് എന്നീ വിദ്യാർഥിനികളെ ഉപഹാരം നൽകി അനുമോദിച്ചു.
ബാബുദാസ് താണിശ്ശേരി, മുരളി നടയ്ക്കൽ എന്നിവർ കഥകൾ അവതരിപ്പിച്ചു.
തുടർന്ന് നടന്ന ചർച്ചയിൽ, സി.എഫ്. റോയ്, ഇ.പി. വിജയൻ, എൻ.എസ്. രാജൻ, ഗീത എസ്. പടിയത്ത്, വർഗ്ഗീസ് വാറോക്കി, പി.കെ. ജോർജ്ജ്, സി.വി. ശ്രീലത, ഡോ. ജോൺസൺ ഫ്രാൻസീസ് എന്നിവർ പ്രസംഗിച്ചു.
Leave a Reply