ഇരിങ്ങാലക്കുട : തൃശൂർ ഓഫീസേഴ്സ് ക്ലബ് നടത്തിയ ഗവ എംപ്ലോയീസ് ക്രിക്കറ്റ് ടൂർണമെന്റിൽ തൃശ്ശൂർ റൂറൽ പൊലീസ് ടീം ജേതാക്കളായി.
ഡിസംബർ 14, 15, 22 തിയ്യതികളിലായി കേരളവർമ്മ കോളെജ് ഗ്രൗണ്ടിൽ നടന്ന മത്സരത്തിൽ
ജില്ലയിലെ 16 വിവിധ ഗവൺമെന്റ് ഡിപ്പാർട്ട്മെന്റ് ടീമുകൾ പങ്കെടുത്തു.
ഫൈനലിൽ എൽ എസ് ജി ഡി ഡിപ്പാർട്മെന്റ് ടീമിനെ തകർത്താണ് തൃശ്ശൂർ റൂറൽ പൊലീസ് ടീം ചാമ്പ്യന്മാരായത്.
സിറ്റി പൊലീസ് കമ്മീഷണർ ആർ ഇളങ്കോ ഐപിഎസ് ട്രോഫി കൈമാറി.
ടൂർണമെന്റിലെ മികച്ച താരമായി റൂറൽ പൊലീസിലെ സജീഷിനെ തിരഞ്ഞെടുത്തു.
മികച്ച ബാറ്റ്സ്മാൻ ആയി എക്സൈസ് ഡിപ്പാർട്ട്മെന്റിലെ പി വി വിശാൽ, ബെസ്റ്റ് ബൗളറായി സജീഷ് (റൂറൽ പൊലീസ്), ബെസ്റ്റ് ഫീൽഡർ ശ്രീനാഥ് (റൂറൽ പൊലീസ്) എന്നിവരെ തെരഞ്ഞെടുത്തു.
Leave a Reply