ഇരിങ്ങാലക്കുട : മാളയിൽ നടന്ന കാലിക്കറ്റ് യൂണിവേഴ്സിറ്റി ഡി സോൺ കലോത്സവത്തിനിടയിൽ നടന്ന എസ്എഫ്ഐ- കെ എസ് യു സംഘർഷത്തിനിടയിൽ പെട്ട സാധാരണ വിദ്യാർഥികൾക്കും രക്ഷിതാക്കൾക്കും സംരക്ഷണമൊരുക്കുമെന്ന് ബിജെപി തൃശൂർ സൗത്ത് ജില്ലാ പ്രസിഡന്റ് എ ആർ ശ്രീകുമാർ പറഞ്ഞു.
പൊലീസ് ശക്തമായ നടപടികൾ എടുക്കണമെന്നും കലോത്സവവേദി കെ എസ് യു – എസ് എഫ് ഐ സംഘർഷത്തിൽ കലാപഭൂമിയാക്കാനുള്ള ശ്രമം അവസാനിപ്പിക്കണമെന്നും ബിജെപി ആവശ്യപ്പെട്ടു.
ഇവരുടെ മാടമ്പിത്തരം കാരണം സാധാരണ വിദ്യാർഥികളും രക്ഷിതാക്കളും ഭയവിഹ്വലരാണെന്നും ആവശ്യമെങ്കിൽ ഇവർക്ക് പൂർണ്ണ സംരക്ഷണം കൊടുക്കാൻ ഏതറ്റം വരെയും പോകുമെന്നും അദ്ദേഹം പറഞ്ഞു.
ഇരിങ്ങാലക്കുട കലാക്ഷേത്രയിൽ നടന്ന സൗത്ത് ജില്ലാ നേതൃയോഗത്തിൽ പ്രസിഡന്റ് എ ആർ ശ്രീകുമാർ അധ്യക്ഷത വഹിച്ചു.
പാർട്ടി നേതാക്കളായ സന്തോഷ് ചെറാക്കുളം, കൃപേഷ് ചെമ്മണ്ട, കെ പി ഉണ്ണികൃഷ്ണൻ, കെ പി അനിൽകുമാർ, കെ ആർ സുരേഷ്, ലോചനൻ അമ്പാട്ട്, കവിത ബിജു എന്നിവർ പ്രസംഗിച്ചു.
Leave a Reply