ഇരിങ്ങാലക്കുട : കർഷക ദിനത്തോടനുബന്ധിച്ച് കർഷക കോൺഗ്രസ് പടിയൂർ മണ്ഡലം കമ്മിറ്റിയുടെ നേതൃത്വത്തിൽ കർഷക ദിനാചരണവും കർഷകരെ ആദരിക്കുന്ന ചടങ്ങും സംഘടിപ്പിച്ചു.
കർഷക കോൺഗ്രസ് പടിയൂർ മണ്ഡലം പ്രസിഡൻ്റ് എ.യു. വേണുഗോപാൽ ചടങ്ങിൽ അധ്യക്ഷത വഹിച്ചു.
ഇരിങ്ങാലക്കുട നിയോജക മണ്ഡലം പ്രസിഡൻ്റ് പ്രവീൺസ് ഞാറ്റുവെട്ടി യോഗം ഉദ്ഘാടനം ചെയ്തു.
മണ്ഡലം കോൺഗ്രസ് പ്രസിഡൻ്റ് എ.ഐ. സിദ്ധാർത്ഥൻ മുഖ്യാതിഥിയായി.
കൃഷി മേഖലയിൽ വിവിധ വിഭാഗങ്ങളിൽ മികച്ച നേട്ടം കൈവരിച്ച 10 പ്രമുഖ കർഷകരെ ചടങ്ങിൽ പൊന്നാട അണിയിച്ച് ആദരിച്ചു. കൂടാതെ ഇരിങ്ങാലക്കുട നഗരസഭ കൗൺസിലറായി തിരഞ്ഞെടുക്കപ്പെട്ട പ്രവീൺസ് ഞാറ്റുവെട്ടിയെ കർഷക കോൺഗ്രസ് മണ്ഡലം കമ്മിറ്റിയുടെ നേതൃത്വത്തിൽ പൊന്നാടയിച്ച് ആദരിച്ചു.
കാട്ടൂർ ബ്ലോക്ക് കോൺഗ്രസ് കമ്മിറ്റി ജനറൽ സെക്രട്ടറി കെ.കെ. ഷൗക്കത്തലി, മണ്ഡലം വൈസ് പ്രസിഡൻ്റ് ഒ.എൻ. ഹരിദാസ്, പോത്താനി കിഴക്കുംപാടം സെക്രട്ടറി ജിജി പൈലൻ, കോതറ ലിഫ്റ്റ് ഇറിഗേഷൻ പ്രസിഡൻ്റ് എ.ഡി. റാഫേൽ, കർഷക കോൺഗ്രസ് മണ്ഡലം വൈസ് പ്രസിഡൻ്റ് വി.വി. പ്രകാശൻ, വാർഡ് കോൺഗ്രസ് കമ്മിറ്റി പ്രസിഡൻ്റ് നസീമ കബീർ തുടങ്ങിയവർ പ്രസംഗിച്ചു.
Leave a Reply