ഇരിങ്ങാലക്കുട : മുകുന്ദപുരം താലൂക്ക് എൻ.എസ്.എസ്. കരയോഗ യൂണിയൻ എല്ലാ വർഷവും അത്തം നാളിൽ സംഘടിപ്പിക്കുന്ന പൂക്കളമത്സരത്തിൽ വെസ്റ്റ് കൊരട്ടി കരയോഗം ജേതാക്കളായി.
വിജയികൾക്ക് 7500 രൂപയും പ്രശംസാപത്രവും നൽകി.
ഐരാണിക്കുളം കരയോഗം രണ്ടാം സ്ഥാനവും പച്ചളിപ്പുറം കരയോഗം മൂന്നാം സ്ഥാനവും കരസ്ഥമാക്കി. 5000 രൂപയും പ്രശംസാപത്രവുമാണ് രണ്ടാം സമ്മാനം. 2500 രൂപയും പ്രശംസാപത്രവുമാണ് മൂന്നാം സമ്മാനം.
അടുത്ത മൂന്ന് സ്ഥാനങ്ങളിൽ എത്തിയ കാരുകുളങ്ങര, മേച്ചിറ, നടവരമ്പ് കരയോഗങ്ങൾക്ക് 1500 രൂപ വീതം പ്രോത്സാഹന സമ്മാനമായി നൽകി. പങ്കെടുത്ത എല്ലാ ടീമിനും 1000 രൂപ വീതം ആശ്വാസ സമ്മാനവും നൽകി.
താലൂക്ക് യൂണിയനിലെ നാല്പതോളം കരയോഗങ്ങൾ മത്സരത്തിൽ പങ്കെടുത്തു.
താലൂക്ക് യൂണിയൻ പ്രസിഡൻ്റ് അഡ്വ. ഡി. ശങ്കരൻകുട്ടി സമ്മാനങ്ങൾ വിതരണം ചെയ്തു.
യോഗത്തിൽ താലൂക്ക് യൂണിയൻ വൈസ് പ്രസിഡൻ്റ് ആർ. ബാലകൃഷ്ണൻ അധ്യക്ഷത വഹിച്ചു.
യൂണിയൻ സെക്രട്ടറി എസ്. കൃഷ്ണകുമാർ സ്വാഗതവും ഇരിങ്ങാലക്കുട മേഖല പ്രതിനിധി രവി കണ്ണൂർ നന്ദിയും പറഞ്ഞു.
Leave a Reply