ഇരിങ്ങാലക്കുട : വേളൂക്കര കുടുംബശ്രീയുടെ ആഭിമുഖ്യത്തിൽ ഭക്ഷ്യ- പോഷണ- ആരോഗ്യ – ജല പദ്ധതിയുടെ ഭാഗമായി കർക്കിടക ഫെസ്റ്റും കർക്കിടകത്തിലെ ആരോഗ്യ സംരക്ഷണ ബോധവൽക്കരണ ക്ലാസ്സും നടത്തി.
സിഡിഎസ് ചെയർപേഴ്സൺ വിൻസി പ്രശോഭിതൻ അധ്യക്ഷത വഹിച്ചു.
വനമിത്ര പുരസ്കാരം ലഭിച്ച വി.കെ. ശ്രീധരൻ കർക്കിടകത്തിലെ ആരോഗ്യ സംരക്ഷണത്തെക്കുറിച്ചും നാടൻ ഔഷധ സസ്യങ്ങൾ സംരക്ഷിക്കേണ്ടതിന്റെ ആവശ്യകതയെക്കുറിച്ചും സോദാഹരണ ക്ലാസ് എടുത്തു.
കെ.കെ. സുജാത ബോധവൽക്കരണ ക്ലാസ് നയിച്ചു.
തുടർന്ന് ഔഷധക്കഞ്ഞി വിതരണം ചെയതു.
വാർഡ് മെമ്പർമാർ, സിഡിഎസ് വൈസ് ചെയർപേഴ്സൺ, ബ്ലോക്ക് കോർഡിനേറ്റർമാർ, സിഡിഎസ് മെമ്പർമാർ, എംഇസി, എഡിഎസ്, അയൽക്കൂട്ട അംഗങ്ങൾ എന്നിവർ പങ്കെടുത്തു.
Leave a Reply