ഇരിങ്ങാലക്കുട : കാറളം പഞ്ചായത്തിന്റെ നന്തി – തൂവാനം ടൂറിസം പദ്ധതിയുടെ ഭാഗമായി കൊട്ടവഞ്ചിയുടെയും കയാക്കിന്റെയും ട്രയൽ റൺ നടത്തി.
അഡ്വ. തോമസ് ഉണ്ണിയാടൻ എംഎൽഎ ഉദ്ഘാടനം ചെയ്തു.
കാറളം പഞ്ചായത്ത് പ്രസിഡന്റ് ശിവൻകുട്ടി അധ്യക്ഷത വഹിച്ചു.
വാർഡ് മെമ്പർ കെ.ബി. ഷെമീർ, ബ്ലോക്ക് പഞ്ചായത്ത് അംഗം പ്രസീന സജയൻ, പഞ്ചായത്ത് വൈസ് പ്രസിഡന്റ് പ്രിയ സുനിൽ എന്നിവർ പ്രസംഗിച്ചു.
നന്തി തൂവാനത്തിന്റെ പ്രകൃതി സൗന്ദര്യവും ജലവിനോദ സാധ്യതകളും പ്രയോജനപ്പെടുത്തി പ്രദേശത്തെ പ്രധാന വിനോദസഞ്ചാര കേന്ദ്രമായി വികസിപ്പിക്കുന്നതിന്റെ ഭാഗമായാണ് കൊട്ടവഞ്ചിയും കയാക്കും ഉൾപ്പെടുത്തി ട്രയൽ റൺ സംഘടിപ്പിച്ചത്.
പദ്ധതി യാഥാർഥ്യമാകുന്നതോടെ ആഭ്യന്തര- വിദേശ വിനോദ സഞ്ചാരികളെ ആകർഷിക്കുന്നതിനോടൊപ്പം പ്രാദേശിക തൊഴിലവസരങ്ങൾ സൃഷ്ടിക്കുന്നതിനും പ്രദേശത്തിന്റെ സാമ്പത്തിക വളർച്ചയ്ക്കും സഹായകരമാകും.
Leave a Reply