ഇരിങ്ങാലക്കുട : കൊമ്പൊടിഞ്ഞാമക്കൽ ലയൺസ് ക്ലബ്ബ്, ഇരിങ്ങാലക്കുട മാർകെയർ ഡയഗ്നോസ്റ്റിക് & പോളി ക്ലിനിക്ക്, മുല്ലശ്ശേരി വൈദ്യമന്ദിരം എന്നിവയുടെ സംയുക്താഭിമുഖ്യത്തിൽ നടവരമ്പിൽ സൗജന്യ ആയുർവേദ മെഡിക്കൽ ക്യാമ്പ് സംഘടിപ്പിച്ചു.
വേളൂക്കര പഞ്ചായത്ത് പ്രസിഡന്റ് ഷീജ ഉണ്ണികൃഷ്ണൻ ഉദ്ഘാടനം ചെയ്തു.
ലയൺസ് ജില്ലാ മെഡിക്കൽ ക്യാമ്പ് കോർഡിനേറ്റർ ജോൺസൺ കോലങ്കണ്ണി അധ്യക്ഷത വഹിച്ചു.
വാർഡ് മെമ്പർ ഉചിത സുരേഷ് ആശംസകൾ അർപ്പിച്ചു.
ലയൺസ് ക്ലബ്ബ് പ്രസിഡന്റ് കെ.സി. തോമസ് നന്ദി പറഞ്ഞു.
വിദഗ്ധരായ ഡോക്ടർമാരുടെ പരിശോധനയും സൗജന്യ ആയുർവേദ മരുന്നുകളുടെ വിതരണവും ക്യാമ്പിൽ ലഭ്യമാക്കി.
കൂടാതെ വെരിക്കോസ് വെയിൻ, ഡയബറ്റിക് അൾസർ, വെരിക്കോസ് അൾസർ, അസ്ഥി, നട്ടെല്ല് സംബന്ധമായ രോഗങ്ങൾ എന്നിവയ്ക്ക് പ്രത്യേക പരിശോധനയും സംഘടിപ്പിച്ചു.
ബി.പി, ഷുഗർ, കൊളസ്ട്രോൾ, ഡെന്റൽ വിഭാഗം, കാഴ്ച ശക്തി പരിശോധന, ഡയറ്റീഷ്യൻ സേവനം എന്നിവയും സൗജന്യമായി പൊതുജനങ്ങൾക്ക് നൽകിയതോടൊപ്പം ലബോറട്ടറി പരിശോധനകൾക്ക് ഇളവുകളും ക്യാമ്പിൽ നൽകി.
Leave a Reply