ഇരിങ്ങാലക്കുട : നടവരമ്പ് ഗവ. മോഡൽ ഹയർ സെക്കൻ്ററി സ്കൂളിൽ വായന പക്ഷാചരണത്തിന് തുടക്കമായി.
മുകുന്ദപുരം താലൂക്ക് ലൈബ്രറി കൗൺസിൽ സെക്രട്ടറിയും സാംസ്കാരിക പ്രവർത്തകനുമായ രാജൻ നെല്ലായി ഉദ്ഘാടനം നിർവഹിച്ചു.
കഥയും കവിതയും പാട്ടും പറച്ചിലുമായി വായനയുടെ പ്രാധാന്യത്തെക്കുറിച്ച് അദ്ദേഹം കുട്ടികളുമായി സംവദിച്ചു.
പി.ടി.എ. പ്രസിഡൻ്റ് ശ്രീഷ്മ സലീഷ് അധ്യക്ഷത വഹിച്ചു.
അധ്യാപകരായ എം.കെ. സീന, സി.വി. സ്വപ്ന, പി.ഡി. മിനി എന്നിവർ ആശംസകൾ നേർന്നു.
തുടർന്ന് വായനാദിന പ്രതിജ്ഞ, വിദ്യാർഥികളുടെ വിവിധ കലാപരിപാടികൾ എന്നിവ അരങ്ങേറി.
ഹെഡ്മിസ്ട്രസ്സ് എം.വി. ഉഷ സ്വാഗതവും അധ്യാപിക ഇ.എസ്. ഷീബ നന്ദിയും പറഞ്ഞു.
Leave a Reply