ഇരിങ്ങാലക്കുട : കാറളം വൊക്കേഷണൽ ഹയർ സെക്കൻഡറി സ്കൂൾ ചുറ്റുമതിലിലെ നിയമവിരുദ്ധ ഡിവൈഎഫ്ഐ/എസ്എഫ്ഐ രാഷ്ട്രീയ ചുവരെഴുത്തുകൾ നീക്കം ചെയ്യുന്നതിനായി അടിയന്തിര നടപടി എടുക്കണമെന്ന് ആവശ്യപ്പെട്ടുകൊണ്ട് ഇരിങ്ങാലക്കുട ജില്ലാ വിദ്യാഭ്യാസ ഓഫീസർക്ക് പരാതി നൽകി യുവമോർച്ച കാറളം പഞ്ചായത്ത് കമ്മിറ്റി.
പരാതി കൊടുത്തത്തിന്റെ പിന്നാലെ അത് നീക്കം ചെയ്യാൻ മുന്നോട്ടുവന്ന സ്കൂൾ അധികൃതരെയും പരാതി കൊടുത്ത യുവമോർച്ച പഞ്ചായത്ത് ഭാരവാഹികളെയും ഭീഷണിപ്പെടുത്തിയതായും ആരോപണം. ഇതിനെ തുടർന്ന് യുവമോർച്ച ജില്ലാ കമ്മിറ്റിയുടെ നേതൃത്വത്തിൽ ഉന്നത ഉദ്യോഗസ്ഥർക്കും പരാതി നൽകി.
ഇനിയും സ്കൂൾ അധികൃതരെ ഭീഷണിപ്പെടുത്തി ചുമരെഴുത്തുകൾ നീക്കം ചെയ്യുന്നത് തടയാൻ ശ്രമിച്ചാൽ യുവമോർച്ച നേരിട്ട് ചുമരെഴുത്തുകൾ നീക്കം ചെയ്യുമെന്ന് യുവമോർച്ച ജില്ലാ കമ്മിറ്റി മുന്നറിയിപ്പ് നൽകി.
Leave a Reply