ഇരിങ്ങാലക്കുട : ലോക പരിസ്ഥിതി ദിനത്തോടനുബന്ധിച്ച് സംസ്ഥാന സർക്കാർ ആവിഷ്കരിച്ചിട്ടുള്ള ‘ദേവാരണ്യം’ പദ്ധതി നടപ്പാക്കുന്നതിന്റെ ഭാഗമായി കൂടൽമാണിക്യം ദേവസ്വം കീഴേടം അയ്യങ്കാവ് ഭഗവതി ക്ഷേത്രത്തിൽ വൃക്ഷതൈകൾ നട്ടു.
നഗരസഭ ചെയർപേഴ്സൺ എം.പി. ജാക്സൺ പദ്ധതിയുടെ ഉദ്ഘാടനം നിർവ്വഹിച്ചു.
കൂടൽമാണിക്യം ചെയർപേഴ്സൺ അഡ്വ. സി.കെ. ഗോപി അധ്യക്ഷത വഹിച്ചു.
ദേവസ്വം ഭരണസമിതി അംഗങ്ങളായ അഡ്വ. കെ.ജി. അജയ്കുമാർ സ്വാഗതവും രാഘവൻ മുളങ്ങാടൻ നന്ദിയും പറഞ്ഞു.
ദേവസ്വം ജീവനക്കാരും ഭക്തജനങ്ങളും പങ്കെടുത്തു.
Leave a Reply