ഇരിങ്ങാലക്കുട : പൊറത്തിശ്ശേരി മഹാത്മാ എൽ.പി. & യു.പി. സ്കൂളിലെ പ്രവേശനോത്സവം വാർഡ് കൗൺസിലർ വിനീത ടീച്ചർ ഉദ്ഘാടനം ചെയ്തു.
മാനേജർ വി.എം. സുശിതാംബരൻ അധ്യക്ഷത വഹിച്ചു.
പ്രവേശനോത്സവ ഗാനത്തിന്റെ അകമ്പടിയോടുകൂടി നവാഗതരായ കുട്ടികൾ അക്ഷരദീപം തെളിയിച്ചു.
തദവസരത്തിൽ സി.എം. കിഡ്സ് സ്കോളർഷിപ്പ്, സംസ്കൃതം സ്കോളർഷിപ്പ് വിജയികളെ പി.ടി.എ. പ്രസിഡൻ്റ് കാർത്തിക സന്തോഷ്, എം.പി.ടി.എ. പ്രസിഡൻ്റ് ദീപ മഹേഷ്, ഒ.എസ്.എ. പ്രതിനിധി എം.ജെ. ഷാജി, ലിനി ടീച്ചർ എന്നിവർ അനുമോദിച്ചു.
യോഗത്തിൽ ഹെഡ്മിസ്ട്രസ് പി.ജി. ബിന്ദു സ്വാഗതവും സീനിയർ അസിസ്റ്റൻ്റ് എൻ.പി. രജനി ടീച്ചർ നന്ദിയും പറഞ്ഞു.
നവാഗതരായ കുട്ടികൾക്ക് സമ്മാനപ്പൊതികൾ നൽകി. തുടർന്ന് മധുര പലഹാര വിതരണവും നടത്തി.
Leave a Reply