ഇരിങ്ങാലക്കുട : പുതിയ സ്വപ്നങ്ങളും പ്രതീക്ഷകളും നിറച്ച് മറ്റൊരു അധ്യയന വർഷത്തിന് കൂടി തുടക്കമായി. വിദ്യാർഥികളുടെ പഠനയാത്രയ്ക്ക് ഉണർവും ആവേശവും പകർന്ന് ഇരിങ്ങാലക്കുട നിയോജകമണ്ഡലംതല പ്രവേശനോത്സവം ഇരിങ്ങാലക്കുട ലിറ്റിൽ ഫ്ലവർ കോൺവെന്റ് ഹൈസ്കൂളിൽ വെച്ച് അഡ്വ. തോമസ് ഉണ്ണിയാടൻ എം എൽ എ ഉദ്ഘാടനം ചെയ്തു.
ജീവിതത്തിൽ തെറ്റായ പ്രവണതകളോടും മയക്കുമരുന്ന് ഉൾപ്പെടെയുള്ള ദുശ്ശീലങ്ങളോടും ഉറച്ച നിലപാടോടെ “നോ” പറയാൻ കുട്ടികൾ തയ്യാറാകണമെന്ന് അദ്ദേഹം പറഞ്ഞു. പഠനത്തിനൊപ്പം നല്ല മൂല്യങ്ങളും അച്ചടക്കവും വളർത്തിയെടുക്കേണ്ടതിന്റെ പ്രാധാന്യവും അദ്ദേഹം ചൂണ്ടിക്കാട്ടി.
പി.ടി.എ. പ്രസിഡന്റ് ജെയ്ഫിൻ ഫ്രാൻസിസ് അധ്യക്ഷത വഹിച്ചു.
വാർഡ് കൗൺസിലർ പി.വി. ശിവകുമാർ, എൽ.പി. ഹെഡ്മിസ്ട്രസ്സ് സിസ്റ്റർ റിനെറ്റ്, എൽ.പി. പി.ടി.എ. പ്രസിഡന്റ് തോംസൻ ചിരിയങ്കണ്ടത്ത്, ലോക്കൽ മാനേജർ സി. ഫാൻസി എന്നിവർ ആശംസകൾ അർപ്പിച്ചു.
ഇരിങ്ങാലക്കുട നിയോജകമണ്ഡലത്തിൽ നിന്ന് വിജയിച്ച അഡ്വ. തോമസ് ഉണ്ണിയാടനെ ചടങ്ങിൽ പി.ടി.എ.യുടെയും സ്കൂൾ അധികൃതരുടെയും നേതൃത്വത്തിൽ ആദരിച്ചു.
ചടങ്ങിൽ ഹെഡ്മിസ്ട്രസ്സ് സുദീപ സ്വാഗതവും അധ്യാപിക ജൂലി നന്ദിയും പറഞ്ഞു.
Leave a Reply