ഇരിങ്ങാലക്കുട : ജില്ലാ പഞ്ചായത്തിന്റെ ആഭിമുഖ്യത്തിൽ എസ്.എസ്.എൽ.സി., പ്ലസ് ടു പരീക്ഷകളിൽ ഫുൾ എ പ്ലസ് നേടിയ വിദ്യാർഥികളെയും 100% വിജയം നേടിയ വിദ്യാലയങ്ങളെയും ആദരിക്കുന്ന പരിപാടിയുടെ സംഘാടകസമിതി രൂപീകരിച്ചു.
ജില്ലാ പഞ്ചായത്ത് വൈസ് പ്രസിഡന്റ് ടി.കെ. സുധീഷ് ഉദ്ഘാടനം ചെയ്തു.
എഇഒ എം.ആർ. രാജീവ് അധ്യക്ഷത വഹിച്ചു.
ജില്ലാ പഞ്ചായത്ത് അംഗം ജോസ് ജെ. ചിറ്റിലപ്പിള്ളി പദ്ധതി വിശദീകരിച്ചു.
പഞ്ചായത്ത് പ്രസിഡന്റുമാരായ കെ.കെ. ശിവൻകുട്ടി, പി.എസ്. മനു, കെ.പി. കണ്ണൻ, പ്രിൻസിപ്പൽ എം.കെ. മുരളി, പ്രധാന അധ്യാപകരായ കെ.എസ്. സുഷ, പി.എ. അസീന എന്നിവർ ആശംസകൾ നേർന്നു.
ബിപിസി കെ.ആർ. സത്യപാലൻ സ്വാഗതവും ബിപിസി നീതു സുഭാഷ് നന്ദിയും പറഞ്ഞു.
Leave a Reply