ഇരിങ്ങാലക്കുട : വെള്ളാങ്ങല്ലൂർ ഹാഷ്മി കലാവേദി & വായനശാലയുടെ ആഭിമുഖ്യത്തിൽ വായന പക്ഷാചരണത്തോടനുബന്ധിച്ച് വെള്ളാങ്ങല്ലൂർ ഗവ. യു.പി. സ്കൂളിലെ വിദ്യാർഥികളുടെ വായനശാല സന്ദർശനം, പുസ്തക പ്രദർശനം, വൈക്കം മുഹമ്മദ് ബഷീർ അനുസ്മരണം എന്നിവ സംഘടിപ്പിച്ചു.
വായനശാല കമ്മിറ്റി അംഗവും ബാലവേദി കൺവീനറുമായ രമ്യ സുദർശൻ അധ്യക്ഷത വഹിച്ചു.
ബ്ലോക്ക് പഞ്ചായത്ത് മെമ്പർ ജിസ്ന ഫ്രാൻസീസ് ഉദ്ഘാടനം ചെയ്തു.
യുവ സാഹിത്യകാരിയും ചിത്രകാരിയുമായ സൗഭിക രതീഷ് വൈക്കം മുഹമ്മദ് ബഷീറിനെ അനുസ്മരിച്ച് പ്രഭാഷണം നടത്തി.
സ്കൂൾ അധ്യാപകരായ മഞ്ജുഷ, സിന്ധ്യ എന്നിവർ ആശംസകൾ നേർന്നു.
വായനശാല സെക്രട്ടറി എം. ബിജു സ്വാഗതവും ജോയിന്റ് സെക്രട്ടറി ഷിഹാബ് നന്ദിയും പറഞ്ഞു.
Leave a Reply