ഇരിങ്ങാലക്കുട : പി.എൻ. പണിക്കരുടെ പ്രവർത്തന ശൈലിയും വായനാശീലവും വിദ്യാർഥി സമൂഹം മാതൃകയാക്കണമെന്ന് അഡ്വ. തോമസ് ഉണ്ണിയാടൻ എംഎൽഎ പറഞ്ഞു.
പി.എൻ. പണിക്കർ വിജ്ഞാന വികാസ് കേന്ദ്രം 31-ാമത് ദേശീയ വായന മഹോത്സവം ‘വായന സദസ്സ്’ കാട്ടൂർ ഗവ. ഹയർ സെക്കൻഡറി സ്കൂളിൽ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
പി.എൻ. പണിക്കർ ഫൗണ്ടേഷൻ, പൊതു വിദ്യാഭ്യാസ വകുപ്പ്, ജില്ലാ ഇൻഫർമേഷൻ ആൻഡ് പബ്ലിക്ക് റിലേഷൻ വകുപ്പ്, സാക്ഷരത മിഷൻ, ജില്ലാ പഞ്ചായത്ത്, കുടുംബശ്രീ മിഷൻ എന്നിവർ ചേർന്നാണ് സദസ് സംഘടിപ്പിച്ചത്.
ജോഷി കൊല്ലാറ അധ്യക്ഷത വഹിച്ചു.
സി.കെ. ഹസ്സൻ കോയ വായനാ സന്ദേശം നൽകി.
ബദറുദ്ദീൻ ഗുരുവായൂർ പി.എൻ. പണിക്കർ സ്മൃതി പ്രസംഗം നടത്തി.
ജില്ലാ പഞ്ചായത്തംഗം ടി.കെ. സുധീഷ്, ഷൈജൻ ശ്രീവത്സം, എം. മുർഷിദ്, ലിൻസി വിൻസെന്റ്, ബിന്ദു സുരേഷ്, എം.കെ. ലത അശ്വതി, പി.എം. ഫൈസൽ എന്നിവർ പ്രസംഗിച്ചു.
Leave a Reply