ഇരിങ്ങാലക്കുട : നിർമ്മാണം നിലച്ചതിനെത്തുടർന്ന് തളിയക്കോണം സ്റ്റേഡിയത്തിൽ നിന്ന് വീട്ടുമുറ്റത്തേക്ക് മഴയിൽ മണ്ണും ചെളിയും ഒലിച്ചിറങ്ങി ദുരിതത്തിലായ വീടുകൾ സന്ദർശിച്ച് നിയുക്ത എംഎൽഎ അഡ്വ. തോമസ് ഉണ്ണിയാടൻ.
നഗരസഭാ കൗൺസിലർ ബൈജു കുറ്റിക്കാടൻ, പൊറത്തിശ്ശേരി കോൺഗ്രസ് മണ്ഡലം പ്രസിഡൻ്റ് പി.കെ. ഭാസി, മണ്ഡലം ഭാരവാഹികളായ സിന്ധു അജയൻ, സന്തോഷ് വില്ലടം, ശാരദ വിശ്വംഭരൻ, ശ്രീലത വിൽസൺ എന്നിവരും അദ്ദേഹത്തോടൊപ്പം ഉണ്ടായിരുന്നു.
മഴ കനക്കുന്നതോടെ സ്റ്റേഡിയത്തിന് പിറകിൽ താമസിക്കുന്ന പുളിയത്തുപറമ്പിൽ ഇന്ദിര, പാറമേൽ ഫ്രാൻസിസ്, പാറമേൽ മാത്യൂസ്, കോട്ടയ്ക്കൽ ഉണ്ണി, പാളയംകോട്ട് സഹിർഷ എന്നിവരുടെ വീട്ടിലേക്കാണ് മണ്ണും ചെളിയും കുത്തിയൊലിച്ചെത്തുന്നത്.
Leave a Reply