ഇരിങ്ങാലക്കുട : പ്രതാപ്സിംഗ് മ്യൂസിക് ലവേഴ്സ് ഗ്രൂപ്പും കഥാതല്പം തൃശൂരും കൈകോർത്ത് നവതി ആഘോഷിക്കുന്ന സംഗീത സംവിധായകൻ പ്രതാപ്സിംഗിനെ അനുമോദിച്ചു.
റിട്ട. ജില്ലാ ജഡ്ജി കെ. വിജയകുമാർ പ്രതാപ്സിംഗിനെ പൊന്നാട അണിയിച്ച് ആദരിച്ചു.
ചടങ്ങിൽ മ്യൂസിക് ഗ്രൂപ്പ് പ്രസിഡൻ്റ് ഹസ്സൻ കോയ അധ്യക്ഷത വഹിച്ചു.
ജില്ലാ പഞ്ചായത്ത് മെമ്പർ ജോസ് ചിറ്റിലപ്പിള്ളി, എം.പി. സുരേന്ദ്രൻ എന്നിവർ മുഖ്യപ്രഭാഷണം നടത്തി.
കഥാതല്പം തൃശൂർ പരിപാലകൻ യു.കെ. സുരേഷ് കുമാർ, പി കെ. ഭരതൻ മാസ്റ്റർ, പരശുറാം, രാജേഷ് തെക്കിനിയേടത്ത്, രാധാകൃഷ്ണൻ വെട്ടത്ത്, പി.എൻ. സുനിൽ, ആൻ്റണി കൈതാരത്ത്, ഇരിങ്ങാലക്കുട ബാബുരാജ്, മനീഷ് അരീക്കാട്ട് എന്നിവർ ആശംസകൾ അർപ്പിച്ചു.
സെക്രട്ടറി ഗോപാലൻ തമ്പി സ്വാഗതവും, ട്രഷറർ കെ.ആർ. സുബ്രഹ്മണ്യൻ നന്ദിയും പറഞ്ഞു.
തുടർന്ന് നന്മ ഇരിങ്ങാലക്കുട അവതരിപ്പിച്ച സംഗീത വിരുന്ന് അരങ്ങേറി.
Leave a Reply