ഇരിങ്ങാലക്കുട : നടവരമ്പ് ഗവ. മോഡൽ ഹയർ സെക്കൻ്ററി സ്കൂളിൽ വായന പക്ഷാചരണത്തിൻ്റെ ഭാഗമായി ‘പുസ്തകക്കൂട്ട് ‘ പരിപാടി സംഘടിപ്പിച്ചു.
ഇരിങ്ങാലക്കുട സർഗ്ഗസാഹിതി, സ്കൂൾ ലൈബ്രറിയിലേക്ക് കൈമാറിയ 25 പുസ്തകങ്ങൾ ഹെഡ്മിസ്ട്രസ്സ് ഉഷ ഏറ്റുവാങ്ങി.
സർഗ്ഗസാഹിതി ഭാരവാഹികളായ രാജേഷ് തെക്കിനിയേടത്ത്, പി.എൻ സുനിൽ, രാധാകൃഷ്ണൻ വെട്ടത്ത്, അരുൺ ഗാന്ധിഗ്രാം, ഷാജിത ബഷീർ എന്നിവർ കുട്ടികളുമായി സംവദിച്ചു.
പി.ടി.എ. പ്രസിഡൻ്റ് ശ്രീഷ്മ സലീഷ് അധ്യക്ഷത വഹിച്ചു.
ജില്ലാ പഞ്ചായത്ത് അംഗം സി.ബി. ഷക്കീല ടീച്ചർ, അധ്യാപകരായ രാധിക, എം.കെ. സീന, സി.വി. സ്വപ്ന, ഇ.എസ്. ഷീബ എന്നിവർ ആശംസകൾ നേർന്നു.
ഹെഡ്മിസ്ട്രസ്സ് ഉഷ സ്വാഗതവും അധ്യാപിക ജീന അനന്തൻ നന്ദിയും പറഞ്ഞു.
Leave a Reply