ഇരിങ്ങാലക്കുട : കൊമ്പൊടിഞ്ഞാമക്കൽ ലയൺസ് ക്ലബ്ബും കംപാനിയോ കമ്പനിയും സംയുക്തമായി തുമ്പൂർ ലയൺസ് ക്ലബ്ബ് ഹാളിൽ ജീവിതശൈലി രോഗനിവാരണവും സൗജന്യ പൾസ് തെറാപ്പി ക്യാമ്പും ആരംഭിച്ചു.
ജീവിതശൈലി രോഗ നിവാരണത്തിനായി മരുന്നുകളോ ഇഞ്ചക്ഷനുകളോ ഇല്ലാതെയാണ് തികച്ചും സൗജന്യമായി 30 മിനിറ്റ് വെച്ച് 20 ദിവസം കൊണ്ട് സൗജന്യ പൾസ് തെറാപ്പി രാവിലെ 8 മണി മുതൽ വൈകീട്ട് 5 മണി വരെ ഏപ്രിൽ 30 വരെ സംഘടിപ്പിക്കുന്നത്.
ക്യാമ്പിന്റെ ഉദ്ഘാടനം ലയൺസ് ക്ലബ്ബ് ഡിസ്ട്രിക്ട് ക്യാമ്പ് കോർഡിനേറ്റർ ജോൺസൺ കോലങ്കണ്ണി നിർവഹിച്ചു.
റോയ് ജോർജ്ജ് ആലുക്കൽ, ലയൺസ് ക്ലബ്ബ് സോൺ ചെയർമാൻ ഹാരിഷ് പോൾ, പ്രസിഡൻ്റ് രാജേഷ് സിദ്ധാർത്ഥൻ, സെക്രട്ടറി പ്രദീപ്, ട്രഷറർ ജെയ്സൺ ദേവസ്സി എന്നിവർ സന്നിഹിതരായിരുന്നു.
Leave a Reply