ഇരിങ്ങാലക്കുട : ആത്മ പദ്ധതിയുടെ ഭാഗമായി കാർഷിക വികസന കർഷക ക്ഷേമ വകുപ്പും വെള്ളാങ്ങല്ലൂർ ബ്ലോക്ക് പഞ്ചായത്തും സംയുക്തമായി സംഘടിപ്പിച്ച കാർഷിക ഭക്ഷ്യ പ്രദർശന വിപണന മേള മന്ത്രി ഒ.ജെ. ജെനീഷ് ഉദ്ഘാടനം ചെയ്തു.
വെള്ളാങ്ങല്ലൂർ ബ്ലോക്ക് പഞ്ചായത്ത് പ്രസിഡൻ്റ് വത്സല ബാബു അധ്യക്ഷത വഹിച്ചു.
പ്രിൻസിപ്പൽ കൃഷി ഓഫീസർ നിംബ ഫ്രാങ്കോ പദ്ധതി വിശദീകരിച്ചു.
പ്രസ്തുത പരിപാടിയുടെ ഭാഗമായി കൂൺ ഭക്ഷ്യമേള, സെമിനാറുകൾ, മണ്ണ് പരിശോധന, കാർഷിക ക്ലിനിക്ക് എന്നിവ സംഘടിപ്പിച്ചു.
വെള്ളാങ്ങല്ലൂർ പഞ്ചായത്ത് പ്രസിഡൻ്റ് സുലേഖ അബ്ദുള്ളക്കുട്ടി, പടിയൂർ പഞ്ചായത്ത് പ്രസിഡൻ്റ് കെ.പി. കണ്ണൻ, പൂമംഗലം പഞ്ചായത്ത് പ്രസിഡൻ്റ് കെ.എസ്. തമ്പി, ജില്ലാ പഞ്ചായത്ത് മെമ്പർ സി.ബി. ഷക്കീല ടീച്ചർ, വെള്ളാങ്ങല്ലൂർ ബ്ലോക്ക് പഞ്ചായത്ത് സ്ഥിരം സമിതി അധ്യക്ഷന്മാരായ റോമി ബേബി, സുമ രാമൻ, കെ.വി. സുജിത്ത് ലാൽ, ബ്ലോക്ക് പഞ്ചായത്ത് അംഗങ്ങൾ, പഞ്ചായത്ത് വാർഡ് മെമ്പർ അസ്മാബി ലത്തീഫ്, വെള്ളാങ്ങല്ലൂർ ബ്ലോക്ക് പഞ്ചായത്ത് സെക്രട്ടറി ശ്രീകല എന്നിവർ അംശസകൾ നേർന്നു.
വൈസ് പ്രസിഡൻ്റ് ആലീസ് തോമസ് സ്വാഗതവും കൃഷി അസിസ്റ്റൻ്റ് ഡയറക്ടർ സ്മിത നന്ദിയും പറഞ്ഞു.
Leave a Reply