ഇരിങ്ങാലക്കുട : പതിനെട്ടാമത് ഗുരുസ്മരണ കൂടിയാട്ട മഹോത്സവത്തിൻ്റെ ഭാഗമായി അമ്മന്നൂർ സ്മൃതി പൂജയും സെമിനാറും നടന്നു.
അഡ്വ. തോമസ് ഉണ്ണിയാടൻ എം.എൽ.എ. സ്മൃതിപൂജ ഉദ്ഘാടനം ചെയ്തു.
വേണുജി ദീപം കത്തിച്ച് ആചാര്യ വന്ദനത്തോടെ ആരംഭിച്ച സ്മൃതിപൂജ യോഗത്തിൽ അമ്മന്നൂർ കുട്ടൻ ചാക്യാർ അധ്യക്ഷത വഹിച്ചു.
യോഗത്തിൽ ഷഷ്ടിപൂർത്തി ആഘോഷിക്കുന്ന മാർഗി മധു ചാക്യാരെ ആദരിച്ചു.
കലാമണ്ഡലം നാരായണൻ നമ്പ്യാർ സ്വാഗതവും പൊതിയിൽ രഞ്ജിത് ചാക്യാർ നന്ദിയും പറഞ്ഞു.
തുടർന്ന് നടന്ന സെമിനാർ തൃപ്പൂണിത്തുറ സംസ്കൃത കോളെജ് പ്രിൻസിപ്പൽ ഡോ. സരിത മഹേശ്വരൻ “നാട്യശാസ്ത്രത്തിലെ ദശരൂപക വിതാനം – കവികളുടെ രൂപകല്പനയും ഗ്രന്ഥ സാഹിത്യവും” എന്ന വിഷയത്തിൽ പ്രബന്ധം അവതരിപ്പിച്ചു.
തുടന്ന് ഡോ. എ.ആർ. ശ്രികൃഷ്ണൻ ഭാസകൃതികളും “ദശരൂപ വിഭാഗി കരണവും” എന്ന വിഷയത്തിൽ പ്രബന്ധം അവതരിപ്പിച്ചു.
തുടർന്ന് നിപിൻ ഉണ്ണി “ആധുനിക നാടകവേദിയും ദശരൂപകങ്ങളും” എന്ന വിഷയത്തിൽ പ്രബന്ധം അവതരിപ്പിച്ചു. തുടർന്ന് വിപുലമായ ചർച്ചയോടെ സെമിനാർ സമാപിച്ചു.
Leave a Reply