ഇരിങ്ങാലക്കുട : ഈ വര്‍ഷം പങ്കെടുത്ത 19 ടൂര്‍ണമെന്റിലും ഫൈനലിൽ എത്തി വോളിബോൾ പെരുമയുമായി ക്രൈസ്റ്റ് കോളെജ് വോളിബോള്‍ ടീം. അതില്‍ 10 ചാമ്പ്യന്‍സ്, 9 റണ്ണേഴ്സ് ട്രോഫി എന്നിവ കരസ്ഥമാക്കി.
കാലിക്കറ്റ് യൂണിവേഴ്‌സിറ്റി ഇന്റര്‍സോണ്‍- ഡി സോണ്‍ ചാമ്പ്യന്‍സ്, തൃശൂര്‍ ജില്ലാ വിജയികള്‍, മറ്റു പ്രധാനപ്പെട്ട ടൂര്‍ണമെന്റുകളായ സെന്റ് ജോര്‍ജ് അരുവിത്തുറ, എസ്.എച്ച്. കോളെജ് തേവര ഓള്‍ കേരള ചാമ്പ്യന്‍സ്, കൊല്ലം സിതാര വോളി, പേരാവൂര്‍ വോളീ, കാര്യാഡ് വോളി, കരിക്കൊണ് കൊല്ലം വോളി, വടക്കാഞ്ചേരി വോളി എന്നിവിടങ്ങളിലും വിജയം സ്വന്തമാക്കി.
കാലിക്കറ്റ് യൂണിവേഴ്‌സിറ്റി ടീമില്‍ ക്രൈസ്റ്റിൻ്റെ 4 താരങ്ങളാണുള്ളത്.
താരങ്ങളായ അര്‍ഷാദ്, അക്ഷയ് എന്നിവര്‍ മുത്തൂറ്റ് വോളിബോള്‍ ടീമിലേക്കും തെരഞ്ഞെടുക്കപ്പെട്ടു.
കേരളാ സ്റ്റേറ്റ് സ്‌പോര്‍ട്‌സ് കൗണ്‍സിലിന്റെ നേതൃത്വത്തില്‍ വോളിബോള്‍ സ്‌പോര്‍ട്‌സ് ഹോസ്റ്റല്‍ ക്രൈസ്റ്റ് കോളെജില്‍ പ്രവര്‍ത്തിക്കുന്നുണ്ട്.
മുന്‍ നാഷണല്‍ താരവും സ്‌പോര്‍ട്‌സ് കൗണ്‍സില്‍ കോച്ചുമായ കെ.പി. പ്രദീപാണ് പരിശീലകന്‍.
Leave a Reply