ഇരിങ്ങാലക്കുട : ഇരിങ്ങാലക്കുടയിൽ നടക്കുന്ന കേരള പുലയർ മഹാസഭയുടെ 54-ാം സംസ്ഥാന സമ്മേളനത്തോടനുബന്ധിച്ച് പി.കെ. ചാത്തൻ മാസ്റ്റർ ജന്മശതാബ്ദി സംഗമവും പൊതുസമ്മേളനവും നടത്തി.
കുട്ടംകുളം മൈതാനത്ത് നിന്ന് ആരംഭിച്ച പി.കെ. ചാത്തൻ മാസ്റ്റർ ജന്മശതാബ്ദി സംഗമ റാലി അയ്യങ്കാവ് മൈതാനിയിൽ സമാപിച്ചു.
തുടർന്ന് നടന്ന പൊതുസമ്മേളനം ഡോ. കെ.എസ്. രാധാകൃഷ്ണൻ ഉദ്ഘാടനം ചെയ്തു.
കെപിഎംഎസ് പ്രസിഡന്റ് ഡോ. പി.പി. വാവ അധ്യക്ഷത വഹിച്ചു.
മുൻ കെപിസിസി ജനറൽ സെക്രട്ടറി എം.പി. ജാക്സൺ, ബിജെപി സംസ്ഥാന ജനറൽ സെക്രട്ടറി പി. സുധീർ, എസ്എൻഡിപി മുകുന്ദപുരം യൂണിയൻ പ്രസിഡന്റ് സന്തോഷ് ചെറാക്കുളം, പി.കെ. ചാത്തൻ മാസ്റ്ററുടെ മകൻ പി.സി. മോഹനൻ, കെപിഎംഎസ് ട്രഷറർ സി.എ. ശിവൻ എന്നിവർ ആശംസകൾ നേർന്നു.
കെപിഎംഎസ് ജനറൽ സെക്രട്ടറി കെ.എ. തങ്കപ്പൻ സ്വാഗതവും സ്വാഗതസംഘം ജനറൽ കൺവീനർ ലോജനൻ അമ്പാട്ട് നന്ദിയും പറഞ്ഞു.
Leave a Reply