ഇരിങ്ങാലക്കുട : ഓർമ്മക്കൂട് സൗഹൃദ കൂട്ടായ്മയുടെ ആഭിമുഖ്യത്തിൽ മഹാത്മാ യു.പി. സ്കൂളിൽ 1989 -96 ബാച്ചിലെ പൂർവ്വ വിദ്യാർഥികൾ ഒത്തുകൂടി.
“നടുമുറ്റം” എന്ന പേരിൽ സംഘടിപ്പിച്ച പൂർവ്വ വിദ്യാർഥി സംഗമം മന്ത്രി ഡോ. ആർ. ബിന്ദു ഉദ്ഘാടനം ചെയ്തു.
ഓർമ്മക്കൂട് പ്രസിഡൻ്റ് ബിനീഷ് കെ. ബഷീർ അധ്യക്ഷത വഹിച്ചു.
നഗരസഭ ചെയർപേഴ്സൺ മേരിക്കുട്ടി ജോയ് മുഖ്യാതിഥിയായി.
പ്രശസ്ത സംഗീത സംവിധായകനും പിന്നണി ഗായകനുമായ വിദ്യാധരൻ മാസ്റ്റർ വിശിഷ്ടാതിഥിയായി.
കൗൺസിലർ സി.സി. ഷിബിൻ, സ്കൂൾ ഹെഡ്മിസ്ട്രസ് പി.ജി. ബിന്ദു എന്നിവർ ആശംസകൾ നേർന്നു.
ചടങ്ങിൽ 1989- 96 കാലഘട്ടത്തിലെ അധ്യാപകരെ ആദരിച്ചു.
ഓർമ്മക്കൂട് സെക്രട്ടറി എ. ശ്രീനിത സ്വാഗതവും വൈസ് പ്രസിഡന്റ് രാജേഷ് കുന്നുമ്മൽ നന്ദിയും പറഞ്ഞു.
തുടർന്ന് മ്യൂസിക്കൽ ഫ്യൂഷൻ അരങ്ങേറി.
Leave a Reply