ഇരിങ്ങാലക്കുട : ഏപ്രിൽ 30, മെയ് 2 എന്നീ തിയ്യതികളിൽ ഇരിങ്ങാലക്കുട ടൗൺ ഹാളിലും ചാത്തൻ മാസ്റ്റർ ഹാളിലുമായി നടത്തുന്ന ഇരിങ്ങാലക്കുട – വെള്ളാങ്ങല്ലൂർ ബ്ലോക്ക് ക്ലസ്റ്റർതല ”അരങ്ങ്” പരിപാടിയുടെ സംഘാടക സമിതി യോഗം അഡ്വ. വി.ആർ. സുനിൽകുമാർ എംഎൽഎ ഉദ്ഘാടനം ചെയ്തു.
ഇരിങ്ങാലക്കുട നഗരസഭ ചെയർപേഴ്സൺ മേരിക്കുട്ടി ജോയ് അധ്യക്ഷത വഹിച്ചു.
കാറളം പഞ്ചായത്ത് പ്രസിഡന്റ് ബിന്ദു പ്രദീപ്, ക്ഷേമകാര്യ സ്റ്റാൻഡിങ് കമ്മിറ്റി ചെയർമാൻ ജഗജി കായംപുറത്ത്, ഇരിങ്ങാലക്കുട നഗരസഭ ആരോഗ്യ സ്റ്റാൻഡിങ് കമ്മിറ്റി ചെയർപേഴ്സൺ അംബിക പള്ളിപ്പുറത്ത് എന്നിവർ ആശംസകൾ അർപ്പിച്ചു.
രണ്ടു ദിവസങ്ങളിലായി നടക്കുന്ന അരങ്ങിൽ 33 ഓൺസ്റ്റേജ് ഐറ്റങ്ങളിലും 11 ഓഫ് സ്റ്റേജ് ഐറ്റങ്ങളിലുമായി സിഡിഎസ് മത്സരാർത്ഥികൾ മാറ്റുരയ്ക്കും.
ചടങ്ങിൽ ഇരിങ്ങാലക്കുട വെള്ളാങ്ങല്ലൂർ ബ്ലോക്കുകളിലെ സിഡിഎസ് ചെയർപേഴ്സൺമാർ, സെക്രട്ടറിമാർ, അക്കൗണ്ടന്റുമാർ, കുടുംബശ്രീ ജില്ലാ മിഷൻ ഉദ്യോഗസ്ഥ പ്രതിനിധികൾ, കുടുംബശ്രീ പ്രതിനിധികൾ എന്നിവർ പങ്കെടുത്തു.
Leave a Reply