ഇരിങ്ങാലക്കുട : സെന്റ് മേരീസ് ഹയർ സെക്കന്ററി സ്കൂളിലെ പ്രവേശനോത്സവം പ്രൗഢഗംഭീരമായി ആഘോഷിച്ചു.
യോഗം സ്കൂൾ മാനേജർ റവ. ഡോ. പ്രൊഫ. ലാസർ കുറ്റിക്കാടൻ ഉദ്ഘാടനം ചെയ്തു.
നഗരസഭ കൗൺസിലർ ജോസഫ് ചാക്കോ അധ്യക്ഷത വഹിച്ചു.
ചടങ്ങിൽ നവാഗതരായ വിദ്യാർഥികളുടെ കയ്യൊപ്പ് ചാർത്തലിന്റെയും പഠനോപകരണങ്ങൾ വിതരണം ചെയ്യുന്നതിന്റെയും പ്രാരംഭം കുറിച്ചു.
സ്കൂൾ ലീഡർ എം.ജെ. ദേവസൂര്യ വിദ്യാർഥികൾക്ക് സൈബർ സുരക്ഷാ പ്രതിജ്ഞ ചൊല്ലിക്കൊടുത്തു.
അബാക്കസ് ടീം സ്കൂളിന് സമ്മാനിച്ച ടെലിവിഷൻ ഹയർ സെക്കന്ററി പ്രിൻസിപ്പൽ ആൻസൺ ഡൊമിനിക് ഏറ്റുവാങ്ങി.
പി.ടി.എ. പ്രസിഡന്റ് അജോ ജോൺ, പൂർവ്വ അധ്യാപക സംഘടന പ്രസിഡന്റ് ഫിലോ ആന്റണി, പൂർവ്വ വിദ്യാർഥി സംഘടന പ്രസിഡന്റ് ജിയോ പോൾ എന്നിവർ ആശംസകൾ അർപ്പിച്ചു.
കത്തീഡ്രൽ ട്രസ്റ്റി തോമസ് തൊകലത്ത് നവാഗതരായ കുട്ടികൾക്കൊപ്പം കയ്യൊപ്പ് ചാർത്തി.
ഫോട്ടോ ഷൂട്ട് @ സെൽഫി പോയിന്റ് വിദ്യാർഥികളിൽ കൗതുകമുണർത്തി.
ഹെഡ്മിസ്ട്രസ് റീജ ജോസ് സ്വാഗതവും അധ്യാപക പ്രതിനിധി ബിന്ദു വി. റപ്പായി നന്ദിയും പറഞ്ഞു.
