ഇരിങ്ങാലക്കുട : ആറാട്ടുപുഴ പൂരത്തിന് നെടുനായകത്വം വഹിക്കുന്ന തൃപ്രയാർ തേവർക്ക് നിലകൊള്ളാൻ കൈതവളപ്പിന് സമീപം ഉയർത്തുന്ന തേവർ പന്തലിനും ആറാട്ടുപുഴ ക്ഷേത്ര പത്തായപ്പുരയ്ക്ക് സമീപം ഒരുക്കുന്ന തേവർ സ്വീകരണ പന്തലിനും കാൽനാട്ടി.
ക്ഷേത്രം മേൽശാന്തി കൂറ്റമ്പിള്ളി പത്മനാഭൻ നമ്പൂതിരിയുടെ ഭൂമിപൂജയോടെയാണ് ചടങ്ങുകൾ ആരംഭിച്ചത്.
ആലിലകളും മാവിലകളും ചാർത്തിയ കവുങ്ങ് കൊച്ചിൻ ദേവസ്വം ബോർഡ് മെമ്പർ അഡ്വ. കെ.പി. അജയൻ, ഡെപ്യൂട്ടി കമ്മീഷണർ സുനിൽ കർത്താ, വല്ലച്ചിറ പഞ്ചായത്ത് പ്രസിഡൻ്റ് രിമ പ്രകാശൻ, വൈസ് പ്രസിഡൻ്റ് തിലകൻ മാലിപറമ്പിൽ, പെരുവനം – ആറാട്ടുപുഴ പൂരം സെൻട്രൽ കമ്മിറ്റി പ്രസിഡന്റ് എ.എ. കുമാരൻ, ആറാട്ടുപുഴ പൂരം കോർഡിനേറ്റർ എം. രാജേന്ദ്രൻ, മേളപ്രമാണി പെരുവനം സതീശൻ മാരാർ, തിരുവഞ്ചിക്കുളം ഗ്രൂപ്പ് അസി. കമ്മീഷണർ എം.ആർ. മിനി, ക്ഷേത്രം ഊരാളൻ മാടമ്പ് ഹരിദാസൻ നമ്പൂതിരി, രശ്മി സുരേന്ദ്രൻ, സജിത ജിജേഷ്, വിശ്വൻ ചക്കോത്ത്, സുജിത സുനിൽ, സിജോ ഇടപ്പള്ളി, സൗമ്യ രജനീഷ്, ആറാട്ടുപുഴ ദേവസ്വം ഓഫീസർ യു. അനിൽകുമാർ, ആറാട്ടുപുഴ ക്ഷേത്ര ഉപദേശക സമിതി പ്രസിഡൻ്റ് മനോജ് മംഗലത്ത്, വൈസ് പ്രസിഡന്റ് കെ. മുരളീധരൻ, സെക്രട്ടറി പി. മനോജ്, ജോ. സെക്രട്ടറി സജീവ് കിയ്യത്ത്, ഓഡിറ്റർ ദിലീപ് കുമാർ, സമിതി അംഗങ്ങൾ, ഭക്തജനങ്ങൾ, ദേശക്കാർ, പൂരം പങ്കാളി ക്ഷേത്ര ഭാരവാഹികൾ എന്നിവർ ചേർന്നാണ് കാൽ നാട്ടിയത്.
ആറാട്ടുപുഴ പൂരം കൊടിയേറ്റം മാർച്ച് 24നും, തിരുവാതിര വിളക്ക് മാർച്ച് 26 വെളുപ്പിനും, പെരുവനം പൂരം മാർച്ച് 27നും, ആറാട്ടുപുഴ തറക്കൽ പൂരം മാർച്ച് 29നും, ആറാട്ടുപുഴ പൂരം മാർച്ച് 30നും, ഗ്രാമബലി മാർച്ച് 31നും ആണ്.
