സീമന്തിനി
ഇരിങ്ങാലക്കുട : പട്ടേപ്പാടം കൈതവളപ്പിൽ സീമന്തിനി (83) നിര്യാതയായി.
സംസ്കാരം നടത്തി.
ഭർത്താവ് : പരേതനായ കുമാരൻ
മക്കൾ : ഷീജ, പരേതനായ ഷാജു, ഷൈജു
മരുമക്കൾ : സുരേന്ദ്രൻ, ജിഷ, സംഗീത (പട്ടേപ്പാടം റൂറൽ സഹകരണ ബാങ്ക്)
പ്രതിബദ്ധത ജനങ്ങളോട് മാത്രം….
IRINJALAKUDA TIMES
വീട്ടിലെ ലൈബ്രറി പുരസ്കാരത്തിനായികൃതികൾ ക്ഷണിച്ചു
ഇരിങ്ങാലക്കുട : വീട്ടിലെ ലൈബ്രറി പ്രഥമ പുരസ്കാരത്തിനായി കൃതികൾ ക്ഷണിച്ചു.
2018 മുതൽ 2025 വരെ പുസ്തകമായി പ്രസിദ്ധീകരിച്ച നോവൽ, ചെറുകഥ എന്നിവയാണ് പുരസ്കാരത്തിന് ക്ഷണിക്കുന്നത്.
മികച്ച കൃതികൾക്ക് 5000 രൂപ വീതവും ഫലകവും പ്രശസ്തിപത്രവുമാണ് പുരസ്കാരം.
പുസ്തകങ്ങളെ വളരെ ഇഷ്ടപ്പെട്ടിരുന്ന ഷീബ സതീഷിന്റെ സ്മരണയിലും കൂടിയാണ് ഈ അവാർഡ് നൽകുന്നത്.
ഏപ്രിൽ 25നുള്ളിൽ തപാലിലോ നേരിട്ടോ കിട്ടത്തക്ക വിധത്തിൽ മൂന്നു കോപ്പികൾ വീതം അയക്കണം.
പുസ്തകങ്ങൾ അയക്കേണ്ട വിലാസം :
വീട്ടിലെ ലൈബ്രറി (വായന)
c/o റഷീദ് കാറളം
പി.ഒ. കാറളം – 680711
തൃശൂർ ജില്ല.
ഫോൺ : 9400488317, 8714403246
ഇളംപുഴ സെൻ്റ് ജോസഫ്സ് കപ്പേളയിൽ തിരുനാളിന് കൊടിയേറി
ഇരിങ്ങാലക്കുട : കാറളം ഇളംപുഴ സെൻ്റ് ജോസഫ്സ് കപ്പേളയിൽ വിശുദ്ധ യൗസേപ്പിതാവിൻ്റെ തിരുനാൾ ആഘോഷത്തിന് കൊടിയേറി.
കാറളം ഹോളി ട്രിനിറ്റി പള്ളി വികാരി ഫാ. ജീസൺ കാട്ടൂക്കാരൻ കൊടിയേറ്റം നിർവഹിച്ചു.
തിരുനാൾ ദിവസമായ നാളെ വൈകീട്ട് 5 മണിക്ക് വിശുദ്ധ കുർബാന, നൊവേന, ലദീഞ്ഞ്, നേർച്ച പായസ വിതരണം എന്നിവ ഉണ്ടായിരിക്കും.
കോണത്തുകുന്ന് സെൻ്ററിലെ റോഡ് നിർമാണത്തിൽ അപാകത : പ്രതിഷേധവുമായി യൂത്ത് കോൺഗ്രസ്സ്
ഇരിങ്ങാലക്കുട : കൊടുങ്ങല്ലൂർ – തൃശ്ശൂർ സംസ്ഥാന പാത നിർമാണത്തിന്റെ മെല്ലെ പോക്ക്, അപകടങ്ങൾ തുടർക്കഥയാകുന്ന കോണത്തുകുന്ന് സെന്ററിലെ റോഡ് നിർമ്മാണത്തിലെ അപാകത എന്നിവക്കെതിരെ യൂത്ത് കോൺഗ്രസ്സ് വെള്ളാങ്ങല്ലൂർ മണ്ഡലം കമ്മറ്റി പ്രതിഷേധയോഗം സംഘടിപ്പിച്ചു.
കൊടുങ്ങല്ലൂർ എംഎൽഎ വിഷയത്തിൽ കാര്യക്ഷമതയോടെ ഇടപെടുന്നില്ലെന്ന് യൂത്ത് കോൺഗ്രസ് കുറ്റപ്പെടുത്തി.
റോഡ് നിർമ്മാണത്തിലെ അപാകതകൾ പരിഹരിച്ച് നിർമ്മാണം ഉടൻ പൂർത്തികരിക്കണം എന്ന് യോഗം ആവശ്യപ്പെട്ടു.
യൂത്ത് കോൺഗ്രസ് മണ്ഡലം പ്രസിഡന്റ് മഹേഷ്‌ ആലിങ്ങൽ അധ്യക്ഷത വഹിച്ചു.
യോഗം കോൺഗ്രസ് മണ്ഡലം പ്രസിഡന്റ് മുസമ്മിൽ ഉദ്ഘാടനം ചെയ്തു.
കോൺഗ്രസ് നേതാക്കളായ ജോബി, പ്രശോഭ് അശോകൻ, യൂത്ത് കോൺഗ്രസ് നേതാക്കളായ അനസ്, അസീസ്, റിയാസ് തുടങ്ങിയവർ പ്രസംഗിച്ചു.
വെള്ളാങ്ങല്ലൂര്‍ സെന്റ് ജോസഫ് ദേവാലയത്തില്‍ ഊട്ടു തിരുനാള്‍ ആഘോഷിച്ചു
ഇരിങ്ങാലക്കുട : വെള്ളാങ്ങല്ലൂര്‍ സെന്റ് ജോസഫ് ദേവാലയത്തില്‍ വിശുദ്ധ യൗസേപ്പിതാവിന്റെ മരണത്തിരുനാളിന്റെ ഭാഗമായി ഊട്ടുതിരുനാള്‍ നടത്തി.
തിരുനാള്‍ ദിവ്യബലിക്ക് ഇരിങ്ങാലക്കുട സെന്റ് തോമസ് കത്തീഡ്രല്‍ അസിസ്റ്റന്റ് വികാരി ഫാ. ആന്റണി നമ്പളം മുഖ്യകാര്‍മികത്വം വഹിച്ചു.
കല്ലേറ്റുംകര പാക്‌സ് അസിസ്റ്റന്റ് ഡയറക്ടര്‍ ഫാ. ദിലീപ് വിതയത്തില്‍ സന്ദേശം നല്‍കി.
വികാരി ഫാ. ഷെറന്‍സ് എളംതുരുത്തി, കൈക്കാരന്മാരായ സാബു കൂളിയാടന്‍, ജോയ് കോലങ്കണ്ണി, ഇഗ്ലേഷ്യസ് കോലങ്കണ്ണി, ജനറല്‍ കണ്‍വീനര്‍ അഡ്വ. കെ.ജെ. ജോണ്‍സണ്‍, ജോയിന്റ് കണ്‍വീനര്‍ വര്‍ഗീസ് കാനംകുടം, ആന്റോ കോലങ്കണ്ണി എന്നിവ നേതൃത്വം നല്‍കി.
ജില്ലയിൽ പൊലീസിന്റെ മയക്കുമരുന്ന് വേട്ട തുടരുന്നു : ഒരു മാസത്തിനിടെ അറസ്റ്റിലായത് 423 പേർ
ഇരിങ്ങാലക്കുട : ലഹരിമരുന്ന് ഉപയോഗവും വിൽപ്പനയും തടയാനായി സംസ്ഥാന പൊലീസ് മേധാവി ഡോ. ഷെയ്ഖ് ദർവേഷ് സാഹിബ് ഐപിഎസിന്റെ നിർദ്ദേശപ്രകാരം സംസ്ഥാന വ്യാപകമായി നടത്തുന്ന “ഓപ്പറേഷൻ ഡി ഹണ്ടി”ന്റെ ഭാഗമായി ജില്ലയിൽ മയക്കുമരുന്ന് വേട്ട തുടർന്ന് പൊലീസ്.
തൃശൂർ റേഞ്ച് ഡിഐജി ഹരിശങ്കർ ഐപിഎസ്, തൃശൂർ റൂറൽ ജില്ലാ പൊലീസ് മേധാവി ബി. കൃഷ്ണകുമാർ ഐപിഎസ് എന്നിവരുടെ നിർദ്ദേശപ്രകാരം നടന്നു വരുന്ന പ്രത്യേക പരിശോധനകളിൽ ഫെബ്രുവരി 22 മുതൽ മാർച്ച് 18 വരെ 1763 പേരെ പരിശോധിക്കുകയും 414 കേസുകൾ രജിസ്റ്റർ ചെയ്യുകയും 423 പേരെ അറസ്റ്റ് ചെയ്യുകയും ചെയ്തു.
പരിശോധനയിൽ 30.854 കി.ഗ്രാം കഞ്ചാവ്, 23.410 ഗ്രാം എംഡിഎംഎ, 3.24 ഗ്രാം ഹെറോയിൻ, 10.13 ഗ്രാം ഹാഷിഷ് ഓയിൽ എന്നിവയാണ് പിടികൂടിയത്.
മയക്കുമരുന്ന്, കഞ്ചാവ് പോലുള്ള നിരോധിത ലഹരി വസ്‌തുക്കൾ, അനധികൃത മദ്യം എന്നിവയുടെ നിർമ്മാണം, വിതരണം, ഉപയോഗം എന്നിവ കർശനമായി തടയുന്നതിനും കുറ്റവാളികൾക്കെതിരെ നിയമ നടപടികൾ സ്വീകരിക്കുന്നതിനുമായി തൃശ്ശൂർ റൂറൽ ജില്ലയിൽ കേരള പൊലീസിന്റെ കടലോര ജാഗ്രത സമിതി, സ്റ്റു‌ഡന്റ്സ് പൊലീസ് കേഡറ്റ് പദ്ധതി, സ്കൂ‌ൾ പ്രൊട്ടക്ഷൻ ഗ്രൂപ്പ്, കോളെജ് പ്രൊട്ടക്ഷൻ ഗ്രൂപ്പ് അംഗങ്ങൾ, ജനമൈത്രി പൊലീസ്, റെസിഡന്റ്സ് അസോസിയേഷനുകൾ, അയൽക്കൂട്ടങ്ങൾ, കുടുംബശ്രീ പ്രവർത്തകർ, എസ് സി/എസ്ടി മോണിറ്ററിങ് കമ്മിറ്റി അംഗങ്ങൾ എന്നിവരുടെ സഹായത്തോടെ മാർച്ച് 13 മുതൽ ഒരു മാസക്കാലത്തേക്ക് ”ജനകീയം ഡി-ഹണ്ട്” നടപ്പിലാക്കി വരുകയാണ്.
പൊലീസ് ഉദ്യോഗസ്ഥർ 24 മണിക്കൂറും ജാഗ്രത പാലിച്ചുകൊണ്ട് ലഹരി വിരുദ്ധ പ്രവർത്തനങ്ങൾ നടത്തിവരുന്നു.
ലഹരി വില്പനയും ഉപയോഗവും ശ്രദ്ധയിൽപ്പെട്ടാൽ കേരള പൊലീസിന്റെ യോദ്ധാവ് വാട്സ്ആപ്പ് നമ്പറിൽ (9995966666) അറിയിക്കാവുന്നതാണ്.
ഇരിങ്ങാലക്കുട റെയിൽവേ സ്റ്റേഷനോടുള്ള അവഗണന : സമരപരമ്പര തുടരുന്നു
ഇരിങ്ങാലക്കുട : റെയിൽവേ സ്റ്റേഷനോടുള്ള അവഗണനയ്ക്കെതിരെ റെയിൽവേ സ്റ്റേഷൻ വികസന സമിതിയുടെ നേതൃത്വത്തിൽ നടത്തുന്ന സമരപരമ്പര 5-ാം നാൾ പിന്നിടുന്നു.
സമരപരമ്പരയുടെ അഞ്ചാം ദിനത്തിലും സമരാഗ്നി ജ്വലനവും റാലിയും സംഘടിപ്പിച്ചു.
കല്ലേറ്റുംകര പള്ളിനടയിൽ നടന്ന സമര പരിപാടികൾ സോമൻ ചിറ്റേത്ത് ഉദ്ഘാടനം ചെയ്തു.
വർഗ്ഗീസ് പന്തല്ലൂക്കാരൻ അധ്യക്ഷത വഹിച്ചു.
മാർട്ടിൻ പി. പോൾ, കെ.പി. കുര്യൻ, സോമൻ ശാരദാലയം, ഉണ്ണികൃഷ്ണൻ പുതുവീട്ടിൽ, ആന്റോ പുന്നേലിപറമ്പിൽ, കെ.കെ. റോബി, പി.എൽ. ജോസ്, ബിജു കൊടിയൻ, കെ.വി. സുരേഷ്, ഡേവിസ് ഇടപ്പിള്ളി, ശശി ശാരദാലയം, ബിജു നേരെപറമ്പിൽ, പി.ഡി. ജിജോ തുടങ്ങിയവർ പങ്കെടുത്തു.
സത്യൻ മാസ്റ്ററുടെ വിയോഗത്തിൽഅനുശോചിച്ചു
ഇരിങ്ങാലക്കുട : ഗ്രാമിക അക്കാദമി ഓഫീസ്
സെക്രട്ടറിയായിരുന്ന കെ.എം. സത്യൻ മാഷിൻ്റെ ആകസ്മിക വേർപാടിൽ സംഘടിപ്പിച്ച അനുശോചന യോഗത്തിൽ സുഹൃത്തുക്കളും സഹപ്രവർത്തകരും ഗ്രാമികയിൽ ഒത്തുചേർന്നു.
ഗ്രാമിക പ്രസിഡന്റ് പി.കെ. കിട്ടൻ അധ്യക്ഷത വഹിച്ചു.
ഡോ. വടക്കേടത്ത് പത്മനാഭൻ, ഇ.കെ. മോഹൻദാസ്, ആർട്ട് ഓഫ് ലിവിങ് പ്രതിനിധി ഇന്ദുചൂഡൻ, മാള ഓണേഴ്സ് കോളെജ് മുൻ പ്രിൻസിപ്പൽ ഷീബ ഗിരീശൻ, സി.വി. അശോകൻ, അഷ്ടമിച്ചിറ മുരളീധരൻ, കെ.വി. രാമചന്ദ്രൻ, കെ.എം. ശിവദാസൻ, പി.പി. സുബ്രഹ്മണ്യൻ,
ഗ്രാമിക അക്കാദമി അധ്യാപകരായ നെല്ലായി സതീശൻ, അനിൽ, വി.സി. സുബീഷ് എന്നിവർ ഓർമ്മകൾ പങ്കുവച്ചു.
കോൺഗ്രസ് പ്രവർത്തക യോഗം ചേർന്നു
ഇരിങ്ങാലക്കുട : പൊറത്തിശ്ശേരി മണ്ഡലം കോൺഗ്രസ് കമ്മറ്റിയുടെ ആഭിമുഖ്യത്തിൽ തദ്ദേശസ്വയംഭരണ തെരഞ്ഞെടുപ്പിന് മുന്നോടിയായുള്ള പ്രവർത്തക യോഗം ചേർന്നു.
കെ.പി.സി.സി. മുൻ ജനറൽ സെക്രട്ടറി എം.പി. ജാക്സൺ യോഗം ഉദ്ഘാടനം ചെയ്തു.
മണ്ഡലം പ്രസിഡന്റ് പി.കെ. ഭാസി അധ്യക്ഷത വഹിച്ചു.
ഡി.സി.സി. ജനറൽ സെക്രട്ടറി ആന്റോ പെരുമ്പിള്ളി, ബ്ലോക്ക് കോൺഗ്രസ് പ്രസിഡന്റ് സോമൻ ചിറ്റേത്ത്, നഗരസഭ വൈസ് ചെയർമാൻ ബൈജു കുറ്റിക്കാടൻ, ബ്ലോക്ക് ഭാരവാഹികളായ എം.ആർ. ഷാജു, പി.എൻ. സുരേഷ്, കെ.സി. ജെയിംസ്, പി.എ. ഷഹീർ, നിഷ അജയൻ, മണ്ഡലം സെക്രട്ടറി സന്തോഷ് വില്ലടം എന്നിവർ പ്രസംഗിച്ചു.
മന്ത്രിക്ക് നൽകിയ നിവേദനം ചവറുകൂനയിൽ : ഇരിങ്ങാലക്കുടയിൽ പ്രതിഷേധ പ്രകടനം നടത്തി കോൺഗ്രസ്
ഇരിങ്ങാലക്കുട : മന്ത്രി ഡോ. ആർ. ബിന്ദുവിന് നൽകിയ നിവേദനം ചവറുകൂനയിൽ കണ്ടെത്തിയ സംഭവത്തിൽ പ്രതിഷേധിച്ച് കോൺഗ്രസ്സ് ഇരിങ്ങാലക്കുട മണ്ഡലത്തിന്റെയും പൊറത്തിശ്ശേരി മണ്ഡലത്തിന്റെയും നേതൃത്വത്തിൽ ഇരിങ്ങാലക്കുട രാജീവ് ഗാന്ധി മന്ദിരത്തിൽ നിന്നും ഠാണാവിലേക്ക് പ്രതിഷേധ പ്രകടനം നടത്തുകയും മന്ത്രിയുടെ കോലം കത്തിക്കുകയും ചെയ്തു.
കോൺഗ്രസ് ബ്ലോക്ക് പ്രസിഡന്റ് സോമൻ ചിറ്റേത്ത് ഉദ്ഘാടനം ചെയ്തു.
മണ്ഡലം പ്രസിഡന്റ് അബ്ദുൽ ഹഖ് മാസ്റ്റർ അധ്യക്ഷത വഹിച്ചു.
പൊറത്തിശ്ശേരി മണ്ഡലം പ്രസിഡന്റ് പി.കെ. ഭാസി, നഗരസഭ ചെയർപേഴ്സൺ മേരിക്കുട്ടി ജോയ്, മുൻ ബ്ലോക്ക് പ്രസിഡന്റ് ടി.വി. ചാർലി, മണ്ഡലം ഭാരവാഹികളായ സിജു യോഹന്നാൻ, എ.സി. സുരേഷ്, ബ്ലോക്ക് ഭാരവാഹികളായ എം.ആർ. ഷാജു, സുജ സഞ്ജീവ്കുമാർ, അഡ്വ. സിജു പാറേക്കാടൻ, കൗൺസിലർമാരായ ജെയ്സൺ പാറേക്കാടൻ, അവിനാഷ്, ബിജു പോൾ അക്കരക്കാരൻ, ജസ്റ്റിൻ ജോൺ, അജിത് കുമാർ, സനൽ കല്ലൂക്കാരൻ, ജോമോൻ മണാത്ത്, ബാബു എന്നിവർ നേതൃത്വം നൽകി.