ഇരിങ്ങാലക്കുട : ശക്തമായ കാറ്റിൽ തകർന്ന ഠാണാവ് – പൂതംകുളം സെൻ്ററിലെ കെട്ടിടത്തിനു മുകളിലുള്ള ട്രസ്സ് നീക്കം ചെയ്യാത്തത് ആശങ്ക സൃഷ്ടിക്കുന്നു.
ആക്സിസ് ബാങ്ക് ഇരിങ്ങാലക്കുട ബ്രാഞ്ച്, സ്മാർട്ട് ക്ലിക്ക്, ധനലക്ഷ്മി ഫിനാൻസ്, പിരമൽ ഫിനാൻസ് എന്നിവ സ്ഥിതി ചെയ്യുന്ന സി.കെ.കെ. ടവേർസ് എന്ന കെട്ടിടത്തിന് മുകളിലെ ട്രസ്സാണ് മെയ് 2ന് ഉണ്ടായ ശക്തമായ കാറ്റിൽ തകർന്നത്.
അതിനുശേഷം ദിവസങ്ങൾ ഇത്ര പിന്നിട്ടിട്ടും തകർന്ന ട്രസ്സ് നീക്കം ചെയ്യാത്തതാണ് പ്രദേശവാസികളിൽ ആശങ്ക സൃഷ്ടിക്കുന്നത്.
ഇനിയും ശക്തമായ കാറ്റും മഴയും ഉണ്ടാകുമെന്ന് കാലാവസ്ഥാ നിരീക്ഷകർ മുന്നറിയിപ്പ് നൽകിയിട്ടുള്ളതിനാൽ അപകടാവസ്ഥയിലുള്ള ട്രസ്സ് നിരവധി വാഹനങ്ങൾ കടന്നുപോകുന്ന സംസ്ഥാനപാതയിലേക്കോ മറ്റോ വന്നു വീഴാനുള്ള സാധ്യത ഏറെയാണെന്ന് നാട്ടുകാർ ചൂണ്ടിക്കാട്ടുന്നു.
അതിനാൽ തന്നെ കെട്ടിടത്തിലെ തകർന്ന ട്രസ്സ് നീക്കംചെയ്ത് അപകടാവസ്ഥ ഒഴിവാക്കണമെന്ന് പ്രദേശവാസികൾ ആവശ്യപ്പെട്ടു.
അന്നേദിവസം ഉണ്ടായ കാറ്റിൽ ഇരിങ്ങാലക്കുടയിൽ പരക്കെ കനത്ത നാശനഷ്ടം ആണ് റിപ്പോർട്ട് ചെയ്തിരുന്നത്.
Leave a Reply