ഇരിങ്ങാലക്കുട : നാലു ദിവസങ്ങളിലായി ഇരിങ്ങാലക്കുട അയ്യങ്കാവ് മൈതാനിയിൽ അരങ്ങേറിയ ലോക്സ് 11 പ്രീമിയർ ലീഗ് സീസൺ ടു സമാപിച്ചു.
16 ടീമുകൾ മാറ്റുരച്ച കളിക്കളത്തിൽ റാപ്റ്റോഴ്സ് ചാഴൂർ ജേതാക്കളായി.
പാണ്ട ട്രഷർ ട്രീ റണ്ണേഴ്സ് കപ്പ് സ്വന്തമാക്കി.
സമാപന സമ്മേളനം നിയുക്ത എംഎൽഎ അഡ്വ. തോമസ് ഉണ്ണിയാടൻ ഉദ്ഘാടനം ചെയ്തു.
കൊടകര ഗവ. ഹയർ സെക്കൻഡറി സ്കൂൾ പ്രിൻസിപ്പലും 45 വയസ്സിന് മുകളിലുള്ള ക്രിക്കറ്റ് കളിക്കാരുടെ തൃശൂർ ടീമിൽ സ്ഥിരം കളിക്കാരനുമായ സുധീർ, യൂത്ത് ഫ്രണ്ട് ജില്ലാ സെക്രട്ടറി വിനീത് വിൻസെൻ്റ്, പൂമംഗലം മണ്ഡലം പ്രസിഡൻ്റ് അഫ്സൽ, യൂത്ത് കോൺഗ്രസ് മണ്ഡലം പ്രസിഡൻ്റും ലോക്സ് 11 ക്രിക്കറ്റ് ക്ലബ്ബ് അംഗവുമായ ശരത്ത് ദാസ്, അരുൺ എന്നിവർ പ്രസംഗിച്ചു.
ഒന്നാം സമ്മാനമായി 1,00,000 രൂപയും ട്രോഫിയും, രണ്ടാം സമ്മാനം നേടിയവർക്ക് 60,000 രൂപയും ട്രോഫിയും, സെമിഫൈനലിൽ കയറിയ ടീമുകൾക്ക് 20000 രൂപയും ട്രോഫിയും സമ്മാനിച്ചു.
Leave a Reply