ഇരിങ്ങാലക്കുട : ഇന്ത്യയിലെ പ്രമുഖ കലാസ്ഥാപനങ്ങളിലൊന്നായ ചെന്നൈയിലെ ദക്ഷിണചിത്ര മ്യൂസിയം ഇരിങ്ങാലക്കുട നടനകൈളിയുടെ പാവക്കഥകളി സംഘത്തിന് അവരുടെ ഉന്നത പുരസ്കാരമായ ‘ദക്ഷിണചിത്ര വിരുദു’ നൽകി ആദരിക്കും.
പാവക്കഥകളി കലാകാരന്മാരായ കുന്നമ്പത്ത് ശ്രീനിവാസനെയും കെ.സി. രാമകൃഷ്ണനെയുമാണ് ബഹുമതി സ്വീകരിക്കുവാൻ തിരഞ്ഞെടുത്തിട്ടുള്ളത്.
കുന്നമ്പത്ത് ശ്രീനിവാസന് സർട്ടിഫിക്കറ്റും 30000 രൂപയും കെ.സി. രാമകൃഷ്ണന് 20000 രൂപയും നൽകും.
അവാർഡ്ദാന ചടങ്ങിൽ നടനകൈരളി സംഘം പാവക്കഥകളി അവതരിപ്പിക്കും.
കലാനിലയം ഹരിദാസ്, ഹരീഷ് രാമകൃഷ്ണൻ, രതീഷ്, വി. മാണിക്യൻ, കലാനിലയം രാമകൃഷ്ണൻ എന്നിവരാണ് അവതരണത്തിൽ പങ്കെടുക്കുന്നത്.
ഏതാനും മാസങ്ങൾക്ക് മുമ്പാണ് ഇന്ത്യയിലെ പ്രധാനപ്പെട്ട 8 പാവകളി കലാരൂപങ്ങളെ പോസ്റ്റൽ സ്റ്റാമ്പായി അംഗീകരിച്ചതിൽ പാവക്കഥകളിയും ഉൾപ്പെടുത്തിയത്.
Leave a Reply