ഇരിങ്ങാലക്കുട : ചിന്മയ മിഷൻ്റെ എഴുപത്തിയഞ്ചാം വാർഷികം വിവിധ പരിപാടികളോടെ അമൃത് മഹോത്സവമായി ആഘോഷിക്കുന്നതിൻ്റെ ഭാഗമായി ഭാരതത്തിലുടനീളം 35000 കിലോമീറ്റർ യാത്ര ചെയ്യുന്ന അമൃത് യാത്രയ്ക്ക് കൂടൽമാണിക്യം ക്ഷേത്രത്തിന്റെ കിഴക്കേനടയിൽ സ്വീകരണം നൽകി.
നിരവധി ഭക്തജനങ്ങളുടെ സാന്നിദ്ധ്യത്തിലാണ് സ്വീകരണം ഒരുക്കിയത്.
സ്വാമി ചിന്മയാനന്ദജിയുടെ പാദുകങ്ങളും മൂർത്തിയും വഹിച്ച ചിന്മയ വാഹിനിക്ക് ക്ഷേത്രനടയിൽ അർച്ചനയും തുടർന്ന് സമൂഹ പ്രാർത്ഥനയും നടത്തി.
ആശ സുരേഷ്, പി. നന്ദകുമാർ എന്നിവരുടെ സോപാന സംഗീതം ചടങ്ങിൻ്റെ ഭാഗമായി അരങ്ങേറി.
ചിന്മയ മിഷൻ ആചാര്യ സ്വാമിനി സംഹിതാനന്ദ, ബ്രഹ്മചാരി സുധീഷ് ചൈതന്യ, വാഹന പ്രചരണ ജാഥ കോർഡിനേറ്റർ ബ്രഹ്മചാരിണി താരിണി ചൈതന്യ, ജാഥാ അംഗങ്ങൾ മിഷൻ പ്രവർത്തകർ ഭക്തജനങ്ങൾ എന്നിവർ ചടങ്ങിൽ സംബന്ധിച്ചു.
ഡോ. മുരളി ഹരിതം സ്വാഗതവും തൃശൂർ ചിന്മയ മിഷൻ പ്രസിഡൻ്റ് വേണുഗോപാൽ നന്ദിയും പറഞ്ഞു.
Leave a Reply